Злоўленая на здрадзе ў часе канцэрта Coldplay топ-менеджарка кампаніі Astronomer разводзіцца з мужам
Кіраўніца аддзела па працы з персаналам амерыканскай тэхналагічнай кампаніі, якая была на вялікім экране на канцэрце Coldplay у абдымках з генеральным дырэктарам кампаніі, падала на развод.
Жыццё сямейнай пары Кэбат імкліва змянілася пасля гучнага скандалу. 52-гадовая Крысцін Кэбат, былая супрацоўніца кампаніі Astronomer і каханка ўжо былога кіраўніка Эндзі Байрана, падала на развод са сваім мужам — бізнесменам Эндру Кэбатам. Адбылося гэта менш чым праз месяц пасля таго, як яе з начальнікам зафіксавала камера пацалункаў (kiss-cam) на канцэрце Coldplay.
Аднак, паводле былой жонкі Эндру, гэты шлюб ужо быў пад пагрозай. Джулія Кэбат у каментары для Daily Mail адзначыла: «Я напісала Эндру адразу пасля інцыдэнту, а ён адказаў: «Яе жыццё мяне не датычыцца». Ён казаў, што яны ўжо былі ў працэсе разводу».
У дакументах, пададзеных у суд 13 жніўня, пазначана, што гэта будзе ўжо трэці развод Эндру Кэбата, кіраўніка сямейнай кампаніі Privateer Rum, адной з багатых і ўплывовых сем’яў.
Джулія Кэбат, якая была замужам за Эндру з 2014 да 2018 года, сцвярджае, што ён «не вельмі добры чалавек», яго цікавяць толькі грошы і што многія з яе знаёмых назвалі тое, што адбылося, «кармай». Паводле яе слоў, яго рэакцыя была халоднай і безэмоцыйнай: «Я думаю, ён проста знерваваўся праз сорам, а не праз пачуцці».
Але, магчыма, шлюб захаваўся б, калі б не скандал.
Крысцін і Эндру Кэбаты набылі чатырохпакаёвы дом на ўзбярэжжы за $2,2 мільёна ўсяго за пяць месяцаў да інцыдэнту. Калі справа дойдзе да падзелу маёмасці, развод можа быць такім жа складаным, як і папярэдні развод Эндру.
У выпадку з Джуліяй, шлюб доўжыўся два гады і скончыўся тым, што яна атрымала $1 мільён, дом за $1,9 мільёна і аўтамабіль Jaguar.
Стасункі Крысцін і Эндзі Байрана сталі віруснай інфанагодай пасля таго, як іх пяшчотнае паводзіны трапілі ў кадр падчас канцэрта Coldplay, і відэа шырока распаўсюдзілася ў сацсетках.
Падчас гэтага інцыдэнту Эндру Кэбат знаходзіўся ў дзелавой паездцы ў Японіі і даведаўся пра тое, што адбылося, толькі па вяртанні.
Пакуль ніводзін з удзельнікаў скандалу не даў афіцыйнага каментара для прэсы.
Топ-менеджарка Astronomer, якая абдымалася з CEO кампаніі на канцэрце Coldplay, таксама звольнілася
Гендырэктара ІТ-кампаніі адхілілі пасля відэа з падначаленай на канцэрце Coldplay
Калега, якую пяшчотна абдымаў гендырэктар IT-кампаніі Astronomer на канцэрце Coldplay, замужам за іншым гендырэктарам
Жанаты кіраўнік IT-кампаніі трапіў у кадр з каханкай на канцэрце ўлюбёнага гурта. Гэта стала для пары неспадзяванкай ВІДЭА
Жонка кіраўніка IT-кампаніі, якога заўважылі на канцэрце з калегай-каханкай, адрэагавала на сітуацыю
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў4
Каментары