«Сённяшні ўдар па Кіеве — гэта новы паварот у расійскіх атаках па Украіне»
Да гэтага моманту ўкраінскія ўрадавыя будынкі ў Кіеве не падвяргаліся ўдарам.
Гэта новы паварот у расійскіх атаках па Украіне, піша карэспандэнтка BBC у Кіеве Сара Рэйнсфард.
З пачатку поўнамаштабнага ўварвання цэнтр Кіева быў вельмі добра абаронены. Таму гэты ўдар стане шокам для людзей. Ён стаў сімвалічным — і выразна дэманструе, што сцверджанні Уладзіміра Пуціна пра гатоўнасць да міру — не больш чым паказныя. Ён не спыняецца. Замест гэтага расійскія атакі становяцца ўсё больш інтэнсіўнымі, піша журналістка.
Яна паведамляе, што цяпер нікому не дазваляюць блізка падыходзіць да будынка Кабміна: уваход у гэты раён перакрыты, там размешчаны ўсе асноўныя ўрадавыя будынкі — Кабінет міністраў, парламент і офіс прэзідэнта.
Яна піша, што бачыла, як верталёты скідвалі ваду на полымя. Над горадам падымалася велізарнае воблака дыму ад пажару.
Няма звестак пра тое, ці былі там пацярпелыя.
Але ў Кіеве — і па ўсёй Украіне — ёсць загінулыя і параненыя: сёння раніцай у жылым доме былі забіты жанчына з немаўлём. А ратавальнікі ўсё яшчэ шукаюць пацярпелых.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку9
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары