«Адчуй смак роднай мовы». «Камунарка» выпусціла цукеркі «Родныя словы»
«Камунарка» прэзентавала выпуск цукерак у новым дызайне — з арнаментам і беларускімі словамі. У іх інстаграме — шаленства ад захаплення.
«Мы радыя прэзентаваць вам нашы цукеркі «Родныя словы» — навінку, напоўненую любоўю да Беларусі.
«Родныя словы» — гэта больш, чым проста цукеркі. Гэта пачастунак з асаблівым сэнсам. Мы стварылі ўнікальны дызайн этыкеткі: на кожнай вы знойдзеце цікавыя беларускія словы з унікальным арнаментам. Гэта магчымасць паглыбіцца ў прыгажосць мовы і традыцый, проста смакуючы любімыя цукеркі», — напісалі вытворцы.
Смак — глазураваныя цукеркі з арахісам і вяршкамі.
Цукеркі ўжо ў продажы ў фірмовых крамах «Камунарка» і пачынаюць паступаць у гандлёвыя сеткі па краіне.
Пост пра навінку сабраў ужо 1700 лайкаў. «Дзякуй за мову! Дзякуй за арнамент! Самае прыгожае слова — каханне!» — пішуць каментатары і называюць свае любімыя беларускія словы.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары
Як смеласці ці розуму ў Гудвіна папрасіць.
Навошта ў назву цукеркі пісаць двухкаранёвыя словы?