Чарговы рачны гігант быў вылаўлены рыбаловам з Мінска Аляксандрам Свірыдавым. Рыба аказала годны супраціў, але пасля паўгадзіны ўсё ж здалася чалавеку, піша Fishingby.com.
«Рыбачылі на рацэ Прыпяць ў раёне вёскі Пярэраў, сом узяў на воблер Rapala DT 20. Збіў свой папярэдні рэкорд — 54 кг», — расказаў Аляксандр Барысавіч fishingby.com.
Паводле словаў рыбалова, ўзважыць такую вялікую рыбу магчымасці не было, таму маса вылічана па спецыяльнай рыбацкай шкале.
Даўжыня сома склала 2,20 м, вага — каля 80 кг. Пасля здымкі відэа і кароткай фотасесіі прыпяцкі гігант быў адпушчаны ў сваю рачную радзіму.
Трафейных сомаў беларускія рыбаловы на рацэ Прыпяць ловяць даволі часта, але экземпляры даўжынёй больш за 2 метры сустракаюцца рэдка, і спрабаваць такую рыбу лічыцца вялікім поспехам.
Цяпер чытаюць
Што вядома пра Максіма Палянскага і Мікалая Свірыдава — беларускіх альпіністаў, якія зніклі ў гарах Кыргызстана3
Каментары
Гадоў 20 таму такіх сомаў бачыў ў Прыпяці каля Чарнобыля.