Бляск кароны і голас народа: што беларусы думаюць пра конкурс «Міс Беларусь»
Фінал конкурсу «Міс Беларусь — 2025», які адбыўся ў Мінску 12 верасня, не застаўся па-за ўвагай беларусаў. Падзея, на якой традыцыйна прысутнічаў Аляксандр Лукашэнка, выклікала ў сеціве сапраўдную буру эмоцый. Сабралі самыя папулярныя меркаванні.
Пераможца конкурсу — 18‑гадовая навучэнка Наваполацкага музычнага каледжа Алена Кучарук. Фота: ONT.BY
«Лепш бы на лячэнне дзяцей аддалі»
Галоўнай тэмай для абурэння стала пытанне мэтазгоднасці выдаткаў на конкурс. Многія лічаць, што гэтыя грошы маглі б пайсці на больш надзённыя патрэбы краіны і яе грамадзян.
«Колькі ўжо можна выбіраць гэтых міс, потым кожную трэба некуды прыстроіць. Якія грошы сыходзяць на гэтыя мерапрыемствы, лепш бы на лячэнне хворых дзяцей аддалі».
Гэтую думку падтрымліваюць і іншыя карыстальнікі, праводзячы балючыя паралелі:
«Паміраюць дзеткі ў анкацэнтры, а нехта дэфілюе».
«Лепш бы ў медыцыну ці хворым дзецям усё гэта пайшло. Не вельмі правільна грошы пайшлі».
Гучаць і больш канкрэтныя прапановы, на што можна было б патраціць бюджэт шоу:
«Дарогі рамантуйце! Просім нават не асфальт, хаця было абяцана. Пражываюць пенсіянеры. Выдаткуйце кошт гэтага шоу на патрэбы народа».
Прагнозы на будучыню пераможцы
Не менш папулярнай аказалася тэма далейшай кар’еры пераможцы. Карыстальнікі сеціва з іроніяй прагназуюць ёй хуткі ўзлёт па службовай лесвіцы.
«Праз некалькі месяцаў гэта Алена стане чыноўніцай».
Гучаць і больш прамыя намёкі на сапраўдныя, на думку каментатараў, мэты конкурсу:
«Выбраў сабе чарговую».
«Зараз у гарэм дадасць».
«Падобна, новую Васілевіч сабе выбіраў».
«Хто сябе цэніць, туды не пойдзе»
Шмат хто выказвае сумневы ў тым, што на конкурс трапляюць самыя прыгожыя дзяўчаты краіны. На думку карыстальнікаў, сапраўдная прыгажосць не патрабуе падобных спаборніцтваў.
«Хто сябе цэніць, туды не пойдзе. Па горадзе ходзяць такія прыгажуні! У нас у Гродне прыгажуні дзяўчаты, ім і кастынг не трэба. Яны і так прыгажуні!»
Гэты пункт гледжання падзяляюць многія:
«Такіх прыгажунь поўна ў сёлах нават без касметыкі».
Іншыя меркаванні
Сярод папулярных каментарыяў таксама сустракаюцца сумневы ў справядлівасці выбару журы:
«Рыгоравіч, пагадзіся, першае ж месца не яе. Там былі больш вартыя за яе».
Асобнай крытыцы падвергнуўся знешні выгляд пераможцы, які, на думку некаторых, не адпавядае яе ўзросту:
«Ёй 18? Я думала, усе 35».
Нарэшце, некаторыя каментатары лічаць, што дарагія падарункі, як, напрыклад, аўтамабіль для пераможцы, варта было б уручаць прадстаўнікам іншых, больш карысных для грамадства прафесій.
«Чаму красовер не падарыць таму, хто прынёс карысць краіне?»
«А камбайнерам — уй».
Каментары