Свет44

Канец фізічных сім-карт? Новы iPhone набліжае эпоху eSim

9 верасня на восеньскай прэзентацыі новых прадуктаў кампанія Apple прэзентавала смартфон iPhone Air. Адметнай асаблівасцю гэтай прылады стаў не толькі ультратонкі дызайн, але і адсутнасць слота для традыцыйнай SIM-карты. Эксперты лічаць, што гэтае рашэнне можа наблізіць канец фізічных сім-карт ва ўсёй індустрыі, пiша Бі-бі-сі.

Фота: Justin Sullivan / Getty Images

Apple ужо даволі доўга падтрымлівае тэхналогію eSIM — і з 2022 года прадае ў ЗША тэлефоны, якія прадугледжваюць выкарыстанне толькі электронных картак.

Але iPhone Air стаў першай прыладай кампаніі на глабальным рынку без слота для традыцыйных SIM-карт.

Перавага такога падыходу, напрыклад, у тым, што карыстальнікам больш не трэба адкрываць малюсенькі слот для SIM-карты, каб памяняць правайдэра або план мабільнай сувязі.

Аналітык Кестэр Ман з кампаніі CCS Insight лічыць, што заява Apple «азначае пачатак канца фізічнай SIM-карты».

Але колькі часу пройдзе, перш чым карыстальнікі змогуць цалкам адмовіцца ад звыклых SIM-карт, і як гэта паўплывае на выкарыстанне тэлефона ў цэлым, застаецца пад пытаннем.

Час развітвацца з латком для SIM?

SIM — гэта абрэвіятура для Subscriber Identity Module, гэта значыць «модуль ідэнтыфікацыі падпісчыка». Чып дазваляе падключацца да аператара мабільнай сувязі і без яго нельга карыстацца асноўнымі функцыямі тэлефона.

У выпадку з еSIM усё гэта забяспечвае мікрасхема, убудаваная непасрэдна ў тэлефон: яе можна перапраграмаваць пры змене аператара або якіх-небудзь функцый.

У апошнія гады eSIM сталі альтэрнатывай традыцыйным SIM: у некаторых тэлефонах можна выкарыстоўваць як фізічныя, так і электронныя карты.

Apple пакуль не гатова цалкам адмовіцца ад фізічных SIM-карт, хоць і іншыя яе новыя айфоны, прадстаўленыя на гэтым тыдні (17, 17 Pro, 17 Pro Max), на некаторых рынках свету будуць падтрымліваць выключна eSIM. У большасці краін кампанія захавае магчымасць выбару традыцыйнай пластыкавай карты.

Іншыя буйныя вытворцы смартфонаў, такія як Samsung і Google, хоць і выкарыстоўваюць eSIM у якасці варыянта, у большасці краін па-ранейшаму падтрымліваюць фізічныя SIM-карты.

Аднак у экспертаў няма сумневаў, у якім кірунку рухаюцца вытворцы.

Згодна з апошнім прагнозам CCS Insight, да канца 2024 года ва ўжыванні ўжо было 1,3 млрд смартфонаў з eSIM. Чакаецца, што да 2030 года гэтая лічба дасягне 3,1 мільярда. (Усяго ў свеце працуе каля 7 млрд смартфонаў.)

«З часам слот для SIM-карты наогул знікне», — — сказаў Паола Пескаторэ.

Якія перавагі eSIM?

Пескаторэ кажа, што пераход на eSIM дае «шматлікія перавагі», найбольш відавочнае з якіх — эканомія месца ўнутры тэлефона, што дазваляе выкарыстоўваць батарэі большага памеру.

Эксперт таксама падкрэсліў, што для eSIM не патрэбен пластык, які забруджвае навакольнае асяроддзе. А яшчэ такія карты могуць пашырыць выбар паміж аператарамі сувязі падчас паездак за мяжу, што дазваляе пазбегнуць «шакуючых рахункаў».

Кестэр Ман лічыць, што ўсё гэта прымусіць карыстальнікаў «паступова змяніць спосабы ўзаемадзеяння са сваімі мабільнымі аператарамі». Да прыкладу, меншай колькасці людзей трэба будзе ісці ў краму асабіста, каб вырашыць якое-небудзь звязанае з SIM-картай пытанне.

Зрэшты, нагадвае Ман, як і ў выпадку з усімі іншымі пераменамі, яны могуць спадабацца не ўсім.

«Гэта новаўвядзенне можа стаць вялікім пытаннем для пажылых людзей або тых, хто не надта ўпэўнена адчувае сябе з тэхналогіямі. Індустрыя павінна зрабіць усё магчымае, каб растлумачыць, як карыстацца eSIM», — сказаў Ман.

Каментары4

  • даведка
    15.09.2025
    В белорусских реалиях будет осуществляться слежка не за симкой, а за трубкой.
  • Вось так
    15.09.2025
    даведка,
    Пачытайце, што такое imei і штоняма розніцы, колькі сімак вы зменіце, imei будзе з кожнай з іх.
  • .
    15.09.2025
    1. Замена фізічнай SIM на eSIM нічога не змяняе з п.гл. адсочвання SIM. У мабільнай сетцы яны выглядаюць аднолькава.
    2. Яны так адсочваюць і SIM, і тэлефон (IMEI).

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі11

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 19

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць