У Літве затрымалі больш за 50 тон напаўняльніка для каціных туалетаў. Груз прызначаўся для Беларусі
Супрацоўнікі Клайпедскай мытні затрымалі два марскія кантэйнеры, у якіх знаходзілася больш за 50 тон напаўняльніка для каціных туалетаў. Высветлілася, што гэты груз трапляе пад міжнародныя санкцыі, а ягоная перавозка ў Беларусь забароненая, піша Delfi.
Кантэйнеры прыбылі ў порт Клайпеды з нямецкага Гамбурга, а прызначаліся яны для дастаўкі ў Беларусь. Адпраўнікам грузу была кітайская кампанія. Прадстаўнік кампаніі падаў дзве транзітныя дэкларацыі, у якіх пазначалася, што ў кантэйнерах знаходзіцца звычайны напаўняльнік для каціных туалетаў.
Аднак падчас фізічнай праверкі мытнікі заўважылі, што груз, магчыма, адзначаны няправільным кодам тавару, які не адпавядае рэальнай класіфікацыі. Падазрэнні пацвердзіліся: калі выкарыстоўваць правільны код, напаўняльнік трапляе ў катэгорыю тавараў, якія знаходзяцца пад санкцыямі, а таму яго перавозка ў Беларусь забароненая.
За такое парушэнне міжнародных санкцый прадугледжаная адказнасць у адпаведнасці з артыкулам 515 літоўскага Кодэкса аб адміністрацыйнай адказнасці. Асобы, якія нясуць адказнасць за гэты груз, могуць атрымаць штраф да 6000 еўра, тавар таксама можа быць канфіскаваны.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся23
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары