U Litvie zatrymali bolš za 50 ton napaŭnialnika dla kacinych tualetaŭ. Hruz pryznačaŭsia dla Biełarusi
Supracoŭniki Kłajpiedskaj mytni zatrymali dva marskija kantejniery, u jakich znachodziłasia bolš za 50 ton napaŭnialnika dla kacinych tualetaŭ. Vyśvietliłasia, što hety hruz traplaje pad mižnarodnyja sankcyi, a jahonaja pieravozka ŭ Biełaruś zabaronienaja, piša Delfi.
Kantejniery prybyli ŭ port Kłajpiedy ź niamieckaha Hamburha, a pryznačalisia jany dla dastaŭki ŭ Biełaruś. Adpraŭnikam hruzu była kitajskaja kampanija. Pradstaŭnik kampanii padaŭ dźvie tranzitnyja dekłaracyi, u jakich paznačałasia, što ŭ kantejnierach znachodzicca zvyčajny napaŭnialnik dla kacinych tualetaŭ.
Adnak padčas fizičnaj pravierki mytniki zaŭvažyli, što hruz, mahčyma, adznačany niapravilnym kodam tavaru, jaki nie adpaviadaje realnaj kłasifikacyi. Padazreńni paćvierdzilisia: kali vykarystoŭvać pravilny kod, napaŭnialnik traplaje ŭ katehoryju tavaraŭ, jakija znachodziacca pad sankcyjami, a tamu jaho pieravozka ŭ Biełaruś zabaronienaja.
Za takoje parušeńnie mižnarodnych sankcyj praduhledžanaja adkaznaść u adpaviednaści z artykułam 515 litoŭskaha Kodeksa ab administracyjnaj adkaznaści. Asoby, jakija niasuć adkaznaść za hety hruz, mohuć atrymać štraf da 6000 jeŭra, tavar taksama moža być kanfiskavany.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec24
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary