У школы рассылаюць патрабаванне пісаць водгукі на фільм «Класная». Мінадукацыі: Гэта фэйк
Міністэрства адукацыі апублікавала ў сваім тэлеграм-канале папярэджанне пра фальшывыя лісты, якія пачалі рассылаць школам краіны. У гэтых лістах ад педагогаў патрабавалі тэрмінова напісаць водгук на нядаўна выпушчаны фільм «Класная». Лісты нібыта дасылаюцца ад імя ідэалагічнага аддзела Міністэрства, але гэта не сапраўдны акаўнт ведамства.
У тэксце ліста з рассылкі было напісана: «Калегі, настойліва просім у тэрміновым парадку падаць рэцэнзіі на мастацкі фільм «Класная» з подпісам намесніка па выхаваўчай рабоце». Да ліста прыкладалі файл з гатовым шаблонам рэцэнзіі і рэкамендавалі выкарыстоўваць яго «для аператыўнасці». Таксама ў лісце патрабавалася тэрмінова адправіць водгукі да канца працоўнага дня.
Міністэрства адукацыі падкрэсліла, што гэта фальшыўка, і заклікала настаўнікаў ігнараваць гэтыя лісты ды паведамляць калегам, каб яны таксама не рэагавалі.
Фільм «Класная» выйшаў у шырокі пракат 18 верасня. Рэжысёр карціны — Кірыла Халецкі. У ім расказваецца пра Таццяну Васілеўскую, маладую выпускніцу педагагічнага ўніверсітэта, якую накіроўваюць працаваць у школу аграгарадка. Там ёй адразу давяраюць кіраванне складаным 11‑м класам, што становіцца асновай гісторыі.
На фільм «Класная» загоняць усіх
Фільм «Класная»: паглядзелі яго, каб зразумець, якімі «яны» хочуць бачыць «нас»
Пасля разносу Лукашэнкі «Беларусьфільм» бярэцца ствараць «лінейку сваіх серыялаў»
У Беларусі здымаюць новае прапагандысцкае кіно, каб падлеткі кінуліся паступаць ва ўніверсітэт на настаўнікаў
Каментары