Падчас праверкі ў Брэсце супрацоўнікі Міністэрства антыманапольнага рэгулявання і гандлю (МАРГ) выявілі ў двух крамах сістэмную падмену краіны паходжання тавараў. Замест рэальнага вытворцы на цэнніках і бірках фігуравала Расія, піша BGmedia.
«Зроблена ў Расіі»? Насамрэч — Кітай
У адной з гандлёвых кропак прадаўцы ўпэўнена паведамлялі, што тавар выраблены ў Расіі. На цэнніках і бірках усё выглядала пераканаўча. Аднак праверка паказала: сапраўдным вытворцам аказалася не Расія, а Кітайская Народная Рэспубліка.
Больш за тое, у дакументах і на пакаванні былі ўказаныя ілжывыя звесткі не толькі пра краіну паходжання, але і пра склад прадукцыі. Такое скажэнне інфармацыі наўпрост парушае закон аб абароне правоў спажыўцоў.
Абутак з трыма вытворцамі
Аналагічныя махінацыі знайшлі і ў краме абутку непадалёк. На прылаўку — абутак нібыта расійскай вытворчасці. У дакументах — прадпрымальнік з Расіі. Але на ярлыках самога тавару красаваўся іншы надпіс: «Зроблена ў В'етнаме».
Спецыялісты МАРГ наведалі гандлёвыя кропкі двойчы. Пасля першага візіту прадаўцам выдалі рэкамендацыі, але тыя іх праігнаравалі. Гэта і стала прычынай пазапланавай праверкі.
Цяпер чытаюць
У Францыі ад спёкі загінуў дальнабойшчык з Докшыцаў11
Каментары