Handlovyja chitryki: jak pradaŭcy mianiajuć krainu pachodžańnia tavaraŭ
Padčas pravierki ŭ Breście supracoŭniki Ministerstva antymanapolnaha rehulavańnia i handlu (MARH) vyjavili ŭ dvuch kramach sistemnuju padmienu krainy pachodžańnia tavaraŭ. Zamiest realnaha vytvorcy na ceńnikach i birkach fihuravała Rasija, piša BGmedia.
«Zroblena ŭ Rasii»? Nasamreč — Kitaj
U adnoj z handlovych kropak pradaŭcy ŭpeŭniena paviedamlali, što tavar vyrableny ŭ Rasii. Na ceńnikach i birkach usio vyhladała pierakanaŭča. Adnak pravierka pakazała: sapraŭdnym vytvorcam akazałasia nie Rasija, a Kitajskaja Narodnaja Respublika.
Bolš za toje, u dakumientach i na pakavańni byli ŭkazanyja iłžyvyja źviestki nie tolki pra krainu pachodžańnia, ale i pra skład pradukcyi. Takoje skažeńnie infarmacyi naŭprost parušaje zakon ab abaronie pravoŭ spažyŭcoŭ.
Abutak z tryma vytvorcami
Anałahičnyja machinacyi znajšli i ŭ kramie abutku niepadalok. Na pryłaŭku — abutak nibyta rasijskaj vytvorčaści. U dakumientach — pradprymalnik z Rasii. Ale na jarłykach samoha tavaru krasavaŭsia inšy nadpis: «Zroblena ŭ Vjetnamie».
Śpiecyjalisty MARH naviedali handlovyja kropki dvojčy. Paśla pieršaha vizitu pradaŭcam vydali rekamiendacyi, ale tyja ich praihnaravali. Heta i stała pryčynaj pazapłanavaj pravierki.
Kamientary