Беларусбанк уводзіць новыя абмежаванні па некаторых аперацыях з карткамі для абароны ад махляроў
Банк уводзіць шэраг абмежаванняў пры здзяйсненні некаторых аперацый.
Раней банкам устаноўлены ліміты на зняцце грошай з выкарыстаннем лічбавых рэквізітаў картак Беларусбанка (токенаў, згенераваных у мабільных плацежных сэрвісах) у банкаматах і пунктах выдачы наяўных цягам аднаго дня ў памеры не больш за 600 рублёў з картак «Аксаміт» і не больш за 1000 рублёў — з іншых картак банка.
З 24 лістапада цягам аднаго дня можна будзе атрымаць не больш за 600 рублёў з картак «Аксаміт» і не больш за 1000 рублёў — з іншых картак банка пры зняцці грошай бескантактным спосабам, у тым ліку з выкарыстаннем лічбавых рэквізітаў картак Беларусбанка (токенаў, згенераваных у мабільных плацежных сэрвісах) у банкаматах Беларусбанка і іншых банкаў на тэрыторыі Беларусі.
За межамі краіны такія аперацыі будуць забароненыя.
Зняць названыя ліміты па картках клуба «Аксаміт» можна будзе толькі ў аддзяленнях банка па заяве трымальніка карткі або яго прадстаўніка на падставе даверанасці. Для іншых картак банка адмена лімітаў магчымая ў аддзяленнях банка, а таксама па званку ў кантакт-цэнтр па нумары 147.
У выпадку, калі кліент ужо адмяняў устаноўленыя раней ліміты, абмежаванні, што ўводзяцца з 24 лістапада, да яго картак прымяняцца не будуць.
Падрабязней з абмежаваннямі можна азнаёміцца тут.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары