Прэзідэнт Расіі Уладзімір Пуцін заявіў аб завяршэнні выпрабаванняў новай крылатай ракеты «Буравеснік» з ядзернай сілавой устаноўкай, якая, паводле яго слоў, «не мае аналагаў у свеце». Пра гэта ён паведаміў падчас наведвання аднаго з пунктаў кіравання аб'яднанай групоўкай войскаў.
Начальнік Генеральнага штаба РФ Валерый Герасімаў удакладніў, што выпрабаванні «Буравесніка» прайшлі 21 кастрычніка і былі паспяховымі.
Паводле яго сцвярджэння, ракета знаходзілася ў паветры каля 15 гадзін і пераадолела 14 тысяч кіламетраў, што, як ён падкрэсліў, «не мяжа».
Герасімаў сцвярджае, што «Буравеснік» здольны гарантавана абыходзіць любыя сістэмы супрацьракетнай абароны і атакаваць высокаабароненыя аб'екты на любой адлегласці.
Пуцін, у сваю чаргу, прапанаваў вызначыць магчымыя спосабы прымянення і пачаць падрыхтоўку інфраструктуры для размяшчэння гэтай зброі ва Узброеных сілах. Ён дадаў, што «наперадзе вялікая праца», каб паставіць гэтую ракету на баявое дзяжурства.
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны2
Каментары
За апошнія 10 гадоў расейцы апантана спрабуюць нарадзіць замену СС-20, але пакуль што безвынікова. Сармат мабыць ўжо цалкам закінуты мёртвы праект, не паляцеў і не збіраецца )), а Буревестник ідзе следам: больш за 10 спробаў пуску, ніводнага ўдалага, і скончылася таксама, як і з Сарматам, моцным "ба-бах" на старце. Толькі яшчэ з радыёцыйным забруджваннем і гібеллю васьмі чалавек (8 - афцыйныя абвесткі РФ, а хто вам у МО і Росатаме праўду скажа?)
Калісьці Пуцін гэтак жа ўрачыста хваліўся Сарматам, і нават паказалі кампьютарную графіку як Сармат лётае і далятае да Парыжу. Нават ў жалезе вазілі ракету Сармат на парадзе, нібыта яна ёсць. Маўляў ёсць, цешцеся, дурні, веліччу Расіі, за вашыя грошыкі спектакль.
Мяркую, тое самае і з Буревестніком. Як самі падвялі вынікі артысты гэтага цырку, "Наперадзе вялікая праца".
Увогуле, такая істэрычная рэклама "неабмежаванай ядзернай магутнасці Расіі" сведчыць на маю думку пра адваротнае - поўны развал і недзеяўдольнасць: нібыта ядзерныя зарады маюцца, аж 2000-2500 штук (ніхто ня ведае колькі іх і ў якім яны стане, можа і Генштаб МОРФ ня ведае), але насамрэч гэта старая валізка без ручкі, карыстацца якой няма ані магчымасці, ані перспектывы.