Рыжанкоў пра закрыццё Літвой мяжы: Гэта правакацыі для апраўдання антыбеларускіх, антырасійскіх падыходаў
Міністр замежных спраў Беларусі Максім Рыжанкоў заявіў, што не бачыць аб'ектыўных прычын для закрыцця межаў Літвою, і расцаніў дзеянні Вільні як пошук нагоды для апраўдання антыбеларускіх і антырасійскіх падыходаў.
«Ну, гэта нейкія правакацыі. То бок, калі камусьці трэба знайсці нагоду, каб неяк вось гэтай рыторыкай апраўдаць свае нейкія дзеянні супраць Беларусі, супраць Расіі, у канчатковым выніку і супраць сваіх грамадзян, то вось шукаюць такія вось нагоды», — сказаў ён.
Ён кажа, што шары з кантрабандай цыгарэт «усё жыццё лёталі». Паводле яго слоў, трэба, каб Літва са свайго боку літоўскіх кантрабандыстаў затрымлівала. «Дык вы з імі разбірайцеся. Вось разберацеся, пераможаце ў сябе кантрабанду, — дык не будзе такіх пытанняў», — сказаў ён.
Рыжанкоў схлусіў, што літоўскі бок ніякіх прэтэнзій да Беларусі з нагоды метэазондаў не дасылала.
«Але самае цікавае, што нам аніякіх нот не пасылалася», — сказаў Рыжанкоў (насамрэч Літва некалькі нот пратэсту направіла з гэтай нагоды ў беларускі МЗС).
Рыжанкоў сцвярджае, што ўся гэта сітуацыя — правакацыі літоўскага боку.
«Усё гэта падобна на нейкія правакацыі, якія маюць мэтай апраўданне нейкіх антыбеларускіх, антырасійскіх падыходаў, за якімі могуць быць і спыненне транзіту ў Калінінградскую вобласць, і далейшае абмежаванне на пралёт самалётаў — то бок вось паглядзіце, якія тут каля нас варвары, якія незразумела чым займаюцца. Вось для гэтага ўсё гэта і робіцца.
То бок, вобразна кажучы, абгрунтаваць свайму народу нейкія дзеянні антыбеларускага, антырасійскага характару — гэта цяжка. Таму трэба наскрэбці нейкага такога негатыву, на фоне якога быццам бы запалоханы (менавіта запалоханы) жыхар Літвы, які будзе ў глыбіні душы хоць і перажываць за тое, што, значыць, вось такая нагнятаецца сітуацыя, што трэба шукаць, бегчы дзесьці шукаць нейкае бамбасховішча, запасацца нейкімі прадуктамі, але будзе падтрымліваць дзеянні ўлады, таму што, ну, гэта ж сапраўды пагроза з Усходу», — патлумачыў сваё бачанне сітуацыі Рыжанкоў.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў8
Каментары