«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
У тыктоку разышліся відэа з праўладным гісторыкам Ігарам Марзалюком. Карыстальнікі ператварылі ягоныя выступы ў патрыятычныя кліпы, і прапагандыст стаў трэндам, заўважыла BGmedia.
Ігар Марзалюк. Фота: «Наша Ніва»
Ігар Марзалюк — доктар гістарычных навук і адзін з самых вядомых праўладных гісторыкаў у краіне. З 2010‑х гадоў ён актыўна падтрымлівае палітыку Лукашэнкі і рэгулярна з’яўляецца ў эфірах дзяржаўных каналаў, дзе тлумачыць гістарычныя падзеі, часта з «патрэбнага» пункту гледжання. Але нечакана часткі інтэрв’ю з ягоным удзелам, а таксама выступаў, трапілі ў тыкток і сталі папулярнымі сярод зумераў — маладых беларусаў, якія знайшлі ў ягоных словах новы сэнс.
У відэа, якія набываюць папулярнасць, Ігар Марзалюк расказвае пра сярэднявечную гісторыю продкаў беларусаў. У іх ён разбурае прарасійскія наратывы, дзе беларусы ў гісторыі Усходняй Еўропы паказаныя як «малодшыя браты» расейцаў.
«Выглядае, што ўсё наадварот. Беларускае Палессе — зыходная тэрыторыя, дзе адбылося афармленне і нараджэнне агульнаславянскай супольнасці. Славянская мова загучала ўпершыню ў свеце на землях паўднёвай і паўднёва-ўсходняй Беларусі. Менавіта адсюль на працягу наступных стагоддзяў адбывалася заваяванне і каланізацыя славянамі іншых еўрапейскіх зямель», — кажа Марзалюк.
Гісторык таксама выказаўся пра расейцаў, якія прыніжаюць украінцаў і беларусаў, паказваючы іх ролю ў гісторыі як другасную, а расейцаў — як першасную:
«Масавая расейская самасвядомасць узнікла не на ўзроўні эліты — не ў часы Пушкіна ці Лермантава. Яна сфарміравалася значна пазней — у перыяд ленінска-сталінскай мадэрнізацыі. Калі беларусы называлі сябе «тутэйшымі», то расейцы — «пскопскімі». Разуменне айчыны як адзінага ментальнага і нацыянальнага цэлага — даволі позняя з’ява».
@narezka.bielarus #беларусь #россия #русские #беларусь #беларускіцікток ♬ I Lose It - SUNSHXNE
Набылі папулярнасць і больш кароткія ролікі з гістарычнымі фактамі пра асобаў гісторыі Беларусі. У адным з іх Марзалюк узгадвае Саламона Рысінскага — першага беларуса, які «зафіксаваў сваю беларускасць» у XVI стагоддзі.
У іншым гісторык узгадвае Усяслава Чарадзея, які «лічыў Ноўгарад сваёй калоніяй»:
«Ён меў намер і польскую поўнач захапіць, дамінаваць ва ўсёй гэтай вялічэзнай прасторы. Нерэалізаваны праект імперскі».
@narezka.bielarus #беларусь #новгород #россия #беларускіцікток #империя ♬ som original - Nico News
Многім беларускім карыстальнікам спадабаліся гэтыя відэа: у каментарах яны адзначаюць, што прыемна здзіўленыя выказваннямі гісторыка, які пісаў ім падручнікі. А некаторыя пішуць, што ў каштоўнасцях Марзалюк ім сапраўды блізкі.
«Марзалюк — гэта наш зубр».
«Наш ваўкалак!».
Выдаў базу».
«Паважаю гэтага гісторыка».
«Хоць у чымсьці з ім згодны», — пішуць людзі, улічваючы ўсю ягоную біяграфію.
«Раней Марзалюк выступаў у калоніі, што экстрэмісты — ворагі народу. А апошні раз — што трэба ўмець дараваць»
Ігар Марзалюк на ідэалагічным мерапрыемстве ўпадаў у экстаз ад абласных караваяў ВІДЭА
Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ
Марзалюк пра новы гістарычны музей: Сустракаць наведвальнікаў будуць самыя важныя ў нацыянальнай гісторыі асобы
Марзалюк: Герб Пагоня ніколі не быў забаронены!
Цяпер чытаюць
Міліцыя затрымала таго самага расійскага турыста, які кінуў недакурак на вуліцы. Заўтра суд16
Каментары
Cпадар Марзалюк, я паважаю вашу працу, сам не смог бы так замазацца, а вас моцна паважаю , праца брудная алеж дужа патрэбная. Рымскія зборы замест мангольскіх мячэцей, ідэалогія за незалежнасць і г.д.. Не чытай браця , маскавацэнтыкаў, усё будзе па нашаму ў РБ (ВКЛ) уся роўна