Злучаныя Штаты Амерыкі патрабуюць поўнага выхаду расійскага капіталу з сербскай нафтавай кампаніі Naftna Industrija Srbije для зняцця з яе санкцый. Пра гэта паведаміла міністр горназдабыўнай прамысловасці і энергетыкі Сербіі Дубраўка Джэдавіч-Хандановіч, піша Vreme.
NIS трапіла пад амерыканскія санкцыі ў пачатку 2025 года, аднак некалькі разоў увядзенне санкцый адкладалася. Найбольшая доля ў кампаніі належыць расійскай «Газпрам нафце» — 44,85%, яшчэ 11,3% — «Газпраму». Сербіі належыць 29,87% арганізацыі.
9 кастрычніка 2025 года NIS заявіла аб уступленні ў сілу амерыканскіх санкцый супраць кампаніі. У афіцыйнай заяве арганізацыі гаварылася, што NIS так і не атрымала спецліцэнзію Мінфіна ЗША для бесперабойнага вядзення аперацыйнай дзейнасці.
Па словах міністра, юрысты NIS звярнуліся да ўрада ЗША, аднак амерыканская адміністрацыя «ўпершыню выразна і недвухсэнсоўна заявіла, што хоча поўнай змены ўласнікаў расійскімі акцыянерамі».
На 16 лістапада запланавана пазачарговае пасяджэнне ўрада Сербіі з удзелам прэзідэнта Аляксандра Вучыча, каб прыняць «няпростае рашэнне» наконт магчымай нацыяналізацыі кампаніі.
NIS і нафтаперапрацоўчы завод пакуль не могуць працягваць працу, бо міністэрства не атрымала афіцыйнага дазволу нават на «адзін дзень» работы.
Naftna Industrija Srbije (NIS) займаецца разведкай, здабычай і перапрацоўкай нафты і прыроднага газу. Акрамя таго, кампанія ажыццяўляе збыт нафтапрадуктаў і прадуктаў газу, а таксама займаецца рэалізацыяй праектаў у галіне нафтахіміі і энергетыкі.
-
Жанчына дапамагла беларускаму ўцекачу незаконна перайсці мяжу — праз гэта ёй адмовілі ў польскім грамадзянстве. Што вырашыў суд
-
У Маскве забілі і расчлянілі школьніка. Яго парэшткі кінулі ў сажалку
-
Трамп, Пуцін, гомасэксуальныя кантакты і іншыя брудныя намёкі — у ЗША апублікавалі 20 тысяч файлаў Эпштэйна
Цяпер чытаюць
«Дзед будзе глядзець асабіста. Калі яму спадабаецца…» Зянковіч расказаў, як з ім запісвалі першае інтэрв'ю ў СІЗА КДБ14
Каментары