Гэтай ноччу чакаюцца праблемы ў карыстальнікаў картак беларускіх банкаў
Банкаўскі працэсінгавы цэнтр аб'явіў, што 22 лістапада на пяць гадзін будзе адключаная карткавая плацежная сістэма.
Здымак ілюстрацыйны. Фота: LookByMedia
Для зручнасці карыстальнікаў гэта адбудзецца ўначы, з 00:00 да 05:00. Адключэнне звязанае з правядзеннем тэхналагічных работ на сеткавым абсталяванні цэнтру.
У гэты перыяд могуць узнікнуць кароткачасовыя перапынкі ў абслугоўванні трымальнікаў банкаўскіх картак, а таксама ў працы сеткі гандлёвых і сэрвісных арганізацый, пунктаў выдачы наяўных, аўтаматаў самаабслугоўвання і банкаматаў, падключаных да апаратна-праграмнага комплексу цэнтру.
Каментары