Праз захраслыя ў Беларусі літоўскія грузавікі ў Вільні пройдзе пратэст перавозчыкаў— фурамі заставяць цэнтр горада
Літоўскія перавозчыкі, чые фуры застаюцца заблакаванымі ў Беларусі, правядуць акцыю пратэсту ў цэнтры Вільні 10 снежня.
Паводле папярэдніх узгадненняў з гарадской адміністрацыяй, у цэнтры Вільні дазволена прыпаркаваць да 100 грузавікоў.
«Межы застаўленыя аўтамабілямі, грузавікі з цяжкасцю вяртаюцца з Беларусі — сітуацыя там да гэтага часу не змянілася. Так, людзі абавязкова павінны збірацца [на акцыю пратэсту]», — сказаў прэзідэнт нацыянальнай асацыяцыі перавозчыкаў «Linava» Эрландас Мікенас пацвердзіў, што план пратэсту не зменіцца.
У канцы кастрычніка Літва да 30 лістапада закрыла мяжу з Беларуссю. Гэта быў адказ на масавыя залёты беларускіх паветраных балонаў з кантрабанднымі цыгарэтамі, якія блакуюць працу літоўскіх аэрапортаў.
У выніку гэтай пастановы ў Беларусі засталіся заблакаванымі каля тысячы літоўскіх грузавікоў.
20 лістапада урад Літвы пастанавіў адкрыць два пункты пропуску, аднак захраслыя ў Беларусі літоўскія фуры дагэтуль не могуць вярнуцца дадому.
Беларускія ўлады забаранілі літоўскім грузавікам перасоўвацца па краіне, абавязаўшы іх паркавацца на спецыяльных платных стаянках, кожныя дзень на ёй каштуе 120 еўра за вялікагруз.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта быў КДБ55
Каментары