Спявак Аляксей Хлястоў расказаў, ці можна ў таксі замовіць, каб прыехаў менавіта ён
Пасля таго, як артыст прызнаўся, што працуе ў таксі, шмат хто пачаў цікавіцца: а як праехацца з Аляксеем? Падчас свайго стрыму ў інстаграме Хлястоў распавёў лайфхак.
Аляксей, які працуе ў бізнэс-класе, распавёў, што ў «Яндэкс.Таксі» такой опцыі няма, а вось у таксі А1, дзе ён таксама працуе, можна ў каментарыі пазначыць, што чакаеш менавіта Аляксея Хлястова. Кажа, што калі гаворка ідзе пра далёкую дыстанцыю, яго сапраўды даволі часта адпраўляюць на такую замову. Нядаўна, напрыклад, Аляксей паказваў у сторыс, што паехаў да замоўцы, які знаходзіўся больш чым за 300 кіламетраў.
А нумар борта Аляксея 2555.
Нагадаем: нядаўна спявак Аляксей Хлястоў падзяліўся ў сацыяльных сетках, што працуе ў таксі. Прычына такой радыкальнай змены дзейнасці не вельмі арыгінальная для Беларусі. У 2023 годзе стала вядома, што Аляксей Хлястоў трапіў у чорны спіс артыстаў — то-бок цяпер ён не можа выступаць нават на карпаратывах.
Пасля прызнання Аляксея беларусы нечакана зладзілі флэшмоб у сацсетках. Нехта публікаваў фота ці відэа са спеваком, дзяліўся гісторыямі, звязанымі з ім. Хтосьці запісваў ролікі, як спявае свае любімыя песні артыста.
«Наша Нiва» — бастыён беларушчыны
ПАДТРЫМАЦЬ
Каментары