На прэс-канферэнцыі пасля вызвалення Віктар Бабарыка адказаў на пытанне «Люстэрка» пра сустрэчу з Раманам Пратасевічам, якая адбылася ў калоніі ў студзенні 2025 года. Экс-банкір расказаў, што праз яе ён апынуўся ў штрафным ізалятары.
«Пасля сустрэчы з Раманам Пратасевічам я паехаў, як кажуць зэкі, на кічу, гэта значыць у штрафны ізалятар. Таму што адказ на тое пытанне, якое ён мне задаў, быў няправільны. Таму я паехаў на больш як два тыдні ў ШІЗА з памяшкання камернага тыпу. Гэта мінус», — адзначыў Бабарыка.
Аднак, са слоў экс-банкіра, у гэтай сустрэчы быў і плюс.
«За тры гады мяне пазбавілі ўсяго. Мне нічога немагчыма было перадаць, акрамя адной бандэролі на два кілаграмы. Праз паўгода пасля сустрэчы з Раманам я атрымаў два кілаграмы кавы. За гэта ім вельмі вялікі дзякуй», — падзяліўся Віктар Бабарыка.
8 студзеня 2025 года ў тэлеграм-канале Рамана Пратасевіча з'явіліся фота і відэа сустрэчы з палітзняволеным Віктарам Бабарыкам у наваполацкай калоніі №1.
-
Беларуса ў жаданні абмежаваць паўсюдную рэкламу казіно падтрымала Мінгандлю. Але прапагандысты параілі яму «не лезці не туды»
-
У гарах Кыргызстана з дрона адшукалі целы зніклых беларускіх альпіністаў
-
З Беларусі высылаюць больш за дзесяць польскіх святароў. У Магілёве ўжо развіталіся з пробашчам — і з праектам новага касцёла
Каментары