Уладальніцай першай жаночай паляўнічай прэміі стала жонка Ігара Шуневіча
Першай уладальніцай нагруднага знака «Вялікая пяцёрка» стала Таццяна Шуневіч. Яе трафеямі сталі пяць звяроў, паведамляе афіцыйны сайт Беларускага таварыства паляўнічых і рыбаловаў, што ўзначальвае экс-міністр унутраных спраў Ігар Шуневіч.
У 2023 годзе Беларускае таварыства паляўнічых і рыбаловаў заснавала два нагрудныя знакі для найбольш паспяховых паляўнічых. Жаночы мае назву «Вялікая пяцёрка». Яго ўручаюць тым, каму ўдалося здабыць лася, аленя, казулю, кабана і глушца не ніжэй за ўзровень залатога медаля CIC — найвышэйшай ацэнкі трафея паводле міжнародных стандартаў.
Першай уладальніцай «пяцёркі» стала Таццяна Шуневіч, якая палюе ўжо 15 гадоў. Яна жонка Ігара Шуневіча, былога міністра ўнутраных спраў. Таццяна адзначыла, што з-за канкурэнцыі вырашыла справіцца з задачай за адзін год — і ёй гэта ўдалося.
«Калі б я, не спяшаючыся, расцягнула б гэту справу на пяць гадоў, наўрад ці атрымалася б стаць першай», — сказала паляўнічая.
Першым Таццяна здабыла дзіка. Затым у спісе былі глушэц, казуля, алень і лось. Жанчына распавяла, што справіцца з пастаўленай задачай было надзвычай складана: паляванне забірала шмат сіл і часу.
«Гэта неверагодныя цяжкасці і пазбаўленні, гэта сям’я, якую я амаль закінула на гэты год, гэта родныя, якія пастаянна на нервах і не заўсёды могуць знайсці цябе нават па тэлефоне, гэта дзіця, якое бачыць маці толькі зрэдку. Ды і ў матэрыяльным плане гэта вельмі адчувальны ціск на сямейны бюджэт», — адзначыла жонка экс-міністра, а цяпер якраз кіраўніка Беларускага таварыства паляўнічых і рыбаловаў.
Цяпер чытаюць
За выбух у мінскім метро судзілі не толькі Канавалава і Кавалёва. Як склаўся лёс яшчэ трох фігурантаў справы?1
Каментары