Улады Вялікабрытаніі далі Раману Абрамовічу 90 дзён, каб дазволіць выкарыстанне 2,8 млрд еўра, атрыманых ад продажу «Чэлсі», на гуманітарную дапамогу Украіне, піша BILD.
«Маё пасланне Абрамовічу яснае: гадзіннік цікае. Выканайце ўзятае на сябе абавязацельства і заплаціце цяпер», — заявіў прэм’ер-міністр Вялікабрытаніі Кір Стармер.
Расійскі алігарх стаў вядомы як мецэнат лонданскага футбольнага клуба «Чэлсі». Неўзабаве пасля нападу Расіі на Украіну яму прыйшлося прадаць клуб, і з таго часу мільярды еўра застаюцца замарожанымі на брытанскім рахунку.
Лондан настойвае на тым, каб грошы пайшлі ўкраінскім ахвярам вайны праз спецыяльны фонд. Абрамовіч жа, наадварот, патрабуе, каб сродкі былі пераданы «ўсім ахвярам вайны», гэта значыць уключаючы расійскіх грамадзян.
Калі ён захавае гэтую пазіцыю, заявіў Стармер, то Лондан падасць у суд.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі71
Каментары
Гэта вам не за каментары ў Фэйсбуку арыштоўваць і калядныя кірмашы адмяняць.
- А потому что за границей ничего нельзя прихватизировать!