Прычына — стральба ў Браўнаўскім універсітэце.
Міністр унутранай бяспекі ЗША Крысці Ноэм паведаміла аб прыпыненні праграмы DV1, «каб гарантаваць, што ніводзін амерыканец больш не пацерпіць ад гэтай катастрафічнай праграмы».
«Стралок з Браўнаўскага ўніверсітэта Клаўдыа Мануэл Невес Валентэ ўехаў у ЗША па іміграцыйнай візе ў межах праграмы латарэі разнастайнасці (DV1) у 2017 годзе і атрымаў грын-карту. Гэтаму жахліваму чалавеку ніколі не варта было дазваляць уезд у нашу краіну.
У 2017 годзе прэзідэнт Трамп дамагаўся спынення гэтай праграмы пасля разбуральнага наезду грузавіка ў Нью-Ёрку, здзейсненага тэрарыстам ІДІЛ, які ўехаў у краіну па праграме DV1 і забіў восем чалавек», — напісала Крысці Ноэм.
У суботу, 13 снежня, у кампусе Браўнаўскага ўніверсітэта ў Провідэнсе мужчына адкрыў агонь па студэнтах падчас падрыхтоўкі да экзаменаў. Загінулі двое, яшчэ дзевяць атрымалі раненні.
18 снежня было знойдзена цела стралка — 48‑гадовага Клаўдыа Мануэла Невеса Валентэ. Яго таксама звязваюць з забойствам прафесара Масачусецкага тэхналагічнага інстытута.
Латарэяй грын-карт штогод разыгрываецца каля 50 тысяч іміграцыйных віз (DV1). Пераможцы латарэі могуць уехаць у ЗША і атрымаць пластыкавую грын-карту. Большая частка тых, хто ўехаў, застаюцца ў ЗША і потым атрымліваюць грамадзянства.
Цяпер чытаюць
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны31
Каментары
заехало по программе несколько миллионов, убили кого-то двое или пусть даже 10 из них, значит закрыть всю программу...
не говорите этому идиоту, что ножами из магазина тоже убивают людей.. а то американцам в итоге придется хлеб не резать и ломать руками.
и да, машины тоже наезжают на людей.. тоже не говорите, а то будут ходить пешком.
Не машыны забіваюць людзей, а людзі
Людзі павінны асімілявацца ў культуру прымаючай краіны, альбо з'яджаць
І еўрапейская статыстка з краін, дзе гэта не сакрэт дзеля "стабільнасці", як Данія, Нідэрланды і Швецыя, паказвае, што прадстаўнікі пэўных культур абсалютна несумяшчальны з нашым грамадствам, бо робяць злачынстваў у 9-10-12 больш разоў за еўрапейцаў, 70-80% не працуе і не плануе набываць прафесію, але ж увесь час пратэстуюць і патрабуюць больш датацый, якую ўспрымаюць як даніну, бо лічаць сабе богаабранымі.