Новы статус атрымаюць чатыры старыя дубы-гіганты і крыніца каля вёскі Роднае Сяло. Мясцовыя жыхары лічаць, што вада ў крыніцы мае лекавыя ўласцівасці, піша sb.by.
Чатыры дубы растуць у лясным масіве Багушэўскага лясгаса паміж аўтадарогай М-8 Віцебск — Орша і адміністрацыйнай мяжой Лёзненскага раёна. Вышыня дрэў складае 31—38 м, ахоп ствала — каля 1,5 м. Узрост дубоў прыкладна 210—220 гадоў.
У Сенненскай раённай інспекцыі прыродных рэсурсаў і аховы навакольнага асяроддзя адзначаюць вялікі турыстычны патэнцыял дрэў-гігантаў. Плануецца правядзенне экалагічнага маршруту, а паляна, дзе растуць дубы, можа стаць прыродным грамадскім месцам для правядзення мерапрыемстваў і турыстычных стаянак.
У сваю чаргу, крыніца «Сіняўкіна» каля вёскі Роднае Сяло вядомая сваёй чыстай і празрыстай вадой, якая па выніках экспертызы прыдатная для піцця.
Дакументы на наданне згаданым аб’ектам статусу помніка прыроды ўжо падрыхтаваныя.
Цяпер чытаюць
Загінуў беларускі добраахвотнік Васіль «Дзір» Рапіцкі10
Каментары