У Падмаскоўі зоаабаронцу Яўгенію Канфоркіну асудзілі на 15 гадоў калоніі па справе аб дзяржаўнай здрадзе і ўдзеле ў тэрарыстычнай арганізацыі. Яе абвінавацілі нібыта ў здымцы верталётнага завода па заданні «Легіёна «Свабода Расіі».
43‑гадовую Канфоркіну прызналі вінаватай у спробе ўступіць у студзені 2023 года ў забаронены ў Расіі «Легіён». Пракуратура запытвала для яе 18 гадоў калоніі, пішуць «Осторожно, новості».
Згодна з абвінавачваннем, Канфоркіна з расійскага паштовага адраса накіравала ў забароненую ў Расіі арганізацыю сваю анкету. Пасля гэтага з ёй у тэлеграме звязаўся прадстаўнік «Легіёна». Летам таго ж года Канфоркіна запісала відэазварот да «Легіёна», абавязалася супрацоўнічаць і ўзяла пазыўны «Афаліна». На той момант «Легіён» ужо быў прызнаны тэрарыстычнай арганізацыяй.
У верасні Канфоркінай нібыта даручылі сабраць інфармацыю пра тое, як ахоўваецца Нацыянальны цэнтр верталётнабудавання ў Люберцах пад Масквой. Яна змагла зняць плот прадпрыемства і адправіла відэа куратарам. Пасля гэтага, па яе словах, ёй далі заданне вывучыць сакрэтны аб’ект.
Яна адмовілася, і кантакт з «Легіёнам» спыніўся. Але праз некалькі месяцаў Канфоркіну затрымалі.
У судзе яна казала, што пайшла на супрацоўніцтва з украінскай ваеннай арганізацыяй, бо нібыта займалася вывазам жывёл з небяспечных тэрыторый.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак4
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары