Грамадства1313

Памёр паэт Уладзімір Карызна, аўтар слоў да цяперашняга дзяржаўнага гімна Беларусі

Карызну, якому Лукашэнка ў 2024 годзе даў званне народнага паэта, было 87 гадоў.

Уладзімір Карызна

Уладзімір Карызна нарадзіўся 25 мая 1938 года ў вёсцы Закружка Мінскага раёна. У 1961 годзе скончыў філалагічны факультэт Беларускага дзяржаўнага ўніверсітэта.

Пасля вучобы працаваў настаўнікам беларускай і рускай мовы і літаратуры ў школе ў Браслаўскім раёне, дзе адначасова кіраваў літаратурным аб’яднаннем пры мясцовай газеце. Пазней шмат гадоў працаваў у сферы журналістыкі і выдавецкай справы: у рэдакцыі Беларускага радыё, у часопісе «Полымя», у выдавецтве «Юнацтва», а таксама быў намеснікам галоўнага рэдактара часопіса «Крыніца».

Першы верш апублікаваў у 1956 годзе. За сваю творчую кар’еру выдаў шмат зборнікаў паэзіі, у тым ліку «Край мой сінявокі», «Жураўліны досвітак», «Святло ліўня», «Цішыня баразны», «Музыка ў свеце», «Хвіліна святла» і іншыя. Ён таксама напісаў некалькі кніг вершаў для дзяцей.

Больш за дзвесце ягоных вершаў былі пакладзеныя на музыку вядомымі беларускімі кампазітарамі, на іх аснове створана шмат песень.

Акрамя ўласнай творчасці, Карызна займаўся перакладамі паэзіі і дзіцячай літаратуры.

Пісьменнік узнагароджаны шэрагам прэмій і дзяржаўных узнагарод, у тым ліку ордэнам Францыска Скарыны. У 2024 годзе яму было прысвоена званне народнага паэта Беларусі. Ён быў адзіным жывым народным паэтам — і дзявятым у гісторыі Беларусі, пасля Янкі Купалы, Якуба Коласа, Петруся Броўкі, Аркадзя Куляшова, Максіма Танка, Пімена Панчанкі, Ніла Гілевіча і Рыгора Барадуліна. 

Самы вядомы ягоны твор — тэкст дзяржаўнага гімна Беларусі. Пры яго стварэнні Карызна перапрацаваў тэкст гімна БССР, створаны ў пачатку 1950‑х гадоў Міхасём Клімковічам.

 

Каментары13

  • паэт забіты чытачамі
    05.03.2026
    Калі б я даведаўся,што ў маім вершы другакласнік і ягоная маці не могуць правільна паставіць націскі ў словах, я б таксама заўчасна, не прыходзячы ў прытомнасць, спыніў абавязацельствы ФСАН па выплаце мне пенсіі.
    Шкада дзядзьку, запомняць як аўтара гімна амапа і гестапіка.
  • л.н.
    05.03.2026
    на "конкурс" былі прадстаўлены тры варыянты гімну БССР, гімн "Красуй Беларусь" і гімн Радзіма мая дарагая". Першае месца ў тэлефанаваньні заняў гімн "красуй Беларусь" (перароблены гімн "Жыве Беларусь"). Але ўлады сплюсавалі галасы за тры варыянты савецкага гімну і абралі сярод іх першы варыянт які абраў найбольш галасоў. Такім парадкам замкнуўся савецкі іканастас БССР - гэрб-сьцяг-гімн.
  • л.н.
    05.03.2026
    Наколькі я памятаю, у 2002-м многія былі незадаволеныя, маўляў гімн у нас цяпер падобны на расейскі (то бок савецкі). Ну яно і зразумела, гэтыя мэлёдыі былі з аднае эпохі.

    Але гэта тое, што недарабілі ў 1991 годзе, калі застаўся савецкі бссраўскі гімн, але сьцяг і гэрб - гістарычныя. Гэта было яшчэ адным знакам шызафрэніі, якая скончылася перамогаю прамаскоўскага стаўленіка і яго крамлёўскае лініі.

Цяпер чытаюць

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Усе навіны →
Усе навіны

«У цябе апошні дзень». Беларускі айцішнік перабраўся на Філіпіны, а там усё жорстка13

«Настаў час крыху адступіць». Сабаленка расказала, што заставалася за кадрам яе няўдалага сезона4

Ізраіль загрузіў мільёны фотаздымкаў у сістэму распазнавання твараў Amazon, каб сачыць за палесцінцамі7

У МУС расказалі, колькі працоўных мігрантаў прыехала ў Беларусь і колькі злачынстваў яны здзейснілі1

Як у кіно. У цэнтры Гродна 19‑гадовы хлопец з аднаго ўдару паваліў слуп13

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных6

46‑гадовага мінскага псіхолага і бізнэс-трэнера пасадзілі па палітычнай справе2

больш чытаных навін
больш лайканых навін

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць