У Венгрыі патлумачылі затрыманне супрацоўнікаў украінскага Ашчадбанка адмываннем грошай
Супраць грамадзян Украіны распачалі крымінальную справу.
Сем супрацоўнікаў Ашчадбанка затрымалі па падазрэнні ў «адмыванні грошай», паведаміла Нацыянальная падатковая і мытная служба Венгрыі. Супраць іх распачалі крымінальную справу.
Сярод затрыманых у Венгрыі інкасатараў, па версіі мясцовых уладаў, ёсць былы генерал украінскай разведкі.
У Нацыянальнай падатковай і мытнай службе Венгрыі таксама заявілі, што на працягу 2026 года праз тэрыторыю краіны ва Украіну было перавезена больш за $900 млн, €420 млн і 146 кілаграмаў залатых зліткаў.
На фоне сітуацыі МЗС Украіны рэкамендуе грамадзянам устрымлівацца ад паездак у Венгрыю, паколькі ведамства не можа гарантаваць іх бяспеку, і параіць па магчымасці выбіраць іншыя транзітныя маршруты.
Як паведамлялася, учора ў Будапешце затрымалі сем супрацоўнікаў украінскага Ашчадбанка, якія выконвалі рэйс на двух інкасатарскіх аўтамабілях паміж Аўстрыяй і Украінай і перавозілі грошы і каштоўнасці ў межах рэгулярных перавозак паміж дзяржаўнымі банкамі.
«Фактычна, гаворка ідзе пра тое, што Венгрыя ўзяла закладнікаў і выкрала грошы. Калі гэта тая «сіла», пра якую сёння казаў спадар Віктар Орбан, то гэта сіла злачыннай банды. Гэта дзяржаўны тэрарызм і рэкет. Мы ўжо накіравалі афіцыйную ноту з патрабаваннем неадкладна вызваліць нашых грамадзян. Мы таксама звернемся да Еўрапейскага саюза з запытам даць выразную кваліфікацыю незаконным дзеянням Венгрыі — захопу закладнікаў і рабаванню», — напісаў міністр замежных спраў Украіны Андрэй Сібіга.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою13
Каментары
Зараз вінадзел у Італіі))) ( майданавец)))
На той час дзеючы кіраўнік ці былы кіраўнік унутранай бязпекі сбУ Наумов ( да 10млн$ камні сліткі..))
Ні здіўлюсь калі ашчад банк Украіна выкарыстоўвают як прыкрыццё ці " пральню" і маршрут Аўстрыя Украіна Угоршчына сумнеўны
Пасля ))))