Што за ўпрыгажэнне было на Святлане Ціханоўскай падчас навагодняга звароту? І што абазначаюць арнаменты на ім?
Падчас навагодняга звароту многія звярнулі ўвагу на стылёвы вобраз Святланы Ціханоўскай — шакаладны аксамітны жакет дапаўняла ўпрыгажэнне з беларускім арнаментам на шыі. «Наша Ніва» даведалася, хто стаяў за яго стварэннем.
За знешні выгляд нацыянальнай лідаркі ў кадры адказвала імідж-стылістка з віленскай CAPSULE STYLE ROOM.
Яна ўжо шмат гадоў прафесійна займаецца кансультацыямі па іміджы, аналізам гардэробу і арганізоўвае персанальны шопінг для кліентаў.
«Вобраз прадумваўся па колеравай гаме і кампазіцыі ў адпаведнасці з агульнай канцэпцыяй здымкаў», — расказала стылістка «Нашай Ніве».
Што тычыцца ўпрыгажэння на шыі, то яно было створана на заказ спецыяльна пад запіс навагодняга віншавання.
Элементы падвескі зробленыя з керамікі, на якой былі выгравіраваныя арнаменты. Кожны з іх мае сваё значэнне.
Крыж у квадраце — гэта гармонія чатырох стыхій (вецер, вада, зямля, агонь) і абарона ад злога. Белы знак у выглядзе кратак абазначае ўрадлівасць, парадак і дабрабыт. Трэці арнамент-вузел — пра неразрыўную сувязь пакаленняў і абарону дома. Квадратная ж пляцёнка нясе ў сабе значэнне руху наперад і поспеху (такія сімвалы часта сустракаюцца на беларускіх ручніках).
Кошт такога ўпрыгажэння на заказ фармуецца са шматлікіх складнікаў (ланцужок, памеры, эксплуатацыйныя матэрыялы), таму ён заўсёды вагаецца. Пры жаданні набыць падвеску, як у Святланы Ціханоўскай, пішыце пра дэталі персанальна стылістцы на яе працоўную старонку ў інстаграме.
«Наша Нiва» — бастыён беларушчыны
ПАДТРЫМАЦЬ
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары