У Мінску затрымалі пенсіянера, які краў тэлефоны, пакінутыя на вакзале на падзарадку. Ён вінаваціць уладальнікаў
У мінскай міліцыі паведамілі пра выпадкі крадзяжу мабільных тэлефонаў, пакінутых на зарадных станцыях у будынку чыгуначнага вакзала.
Скрыншот з відэа
Праверка паказала, што крадзяжы здзяйсняў 64‑гадовы жыхар Віцебскай вобласці, які прыехаў у сталіцу на працу. Некалькі дзён ён зараджаў свой тэлефон на вакзале і, заўважыўшы там пакінутыя без нагляду гаджэты, забіраў іх сабе.
Усяго мужчына скраў тры тэлефоны і пазней прадаў іх іншым людзям, атрыманыя грошы патраціўшы.
Па яго словах, вінаватымі ў страце маёмасці былі самі ўладальнікі, бо каля зараднай станцыі быў папераджальны надпіс, што адміністрацыя не адказвае за бяспеку прылад.
Супраць падазраванага распачалі крымінальныя справы.
Каментары
Але гэта яшчэ раз даводзіць факт: што не паведамленне МУСароў - то хоць у якой ступені, але брахня!