Віцэ-прэзідэнт ЗША Джэй Ды Вэнс сёлета не возьме ўдзелу ў Мюнхенскай канферэнцыі аб бяспецы, паведаміла выданне The Pioneer. Яшчэ некалькі дзён таму СМІ пісалі, што амерыканскі палітык зноў плануе выступіць на форуме ў лютым, аднак цяпер яго візіт адменены.
Летась Вэнс запомніўся ў Мюнхене жорсткім выступленнем з крытыкай Еўропы, нагадвае Bild.
Ён абвінавачваў еўрапейскія ўрады ў цэнзуры ў сацыяльных сетках і пераследзе іншадумства, заяўляючы, што ўлады выкарыстоўваюць «агідныя словы з савецкага мінулага, накшталт «дэзінфармацыі», каб прымусіць маўчаць крытыкаў.
Тады Вэнс наўпрост даў зразумець, што без змен у стаўленні да свабоды слова адносіны з ЗША будуць пагаршацца.
«Калі вы баіцеся ўласных выбаршчыкаў, Амерыка нічога не зможа для вас зрабіць. І, больш за тое, вы нічога не зможаце зрабіць для амерыканскага народа, які абраў мяне і прэзідэнта Трампа», — заявіў ён тады.
Цяпер чытаюць
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары
Без Вас хапае ....а з Вамі яшчэ болей