Свет55

На Балі забаранілі пазашлюбны сэкс. За парушэнне — турэмныя тэрміны

З 2 студзеня ў Інданезіі пачаў дзейнічаць новы Крымінальны кодэкс, які быў прыняты яшчэ ў 2022 годзе і замяніў нормы каланіяльных часоў. Адна з галоўных зменаў — прызнанне злачынствам сэксуальных адносін па-за афіцыйным шлюбам, а таксама сумеснага пражывання без рэгістрацыі шлюбу.

Здымак ілюстрацыйны. Фота: freepik.com

Крымінальная адказнасць за палавыя адносіны па-за шлюбам у Інданезіі прынамсі тэарэтычна распаўсюджваецца не толькі на грамадзян краіны, але і на іншаземцаў, у тым ліку тых, якія адпачываюць на папулярным курортным востраве Балі. Ніякага асаблівага статуса для яго ў законе не прадугледжана.

Што да пакарання, то за такія дзеянні абвінавачаным можа пагражаць да аднаго года пазбаўлення волі, а за сужыццё — да шасці месяцаў. Аднак справа можа быць распачатая толькі па заяве мужа ці жонкі, бацькоў або дзяцей аднаго з удзельнікаў, і гэта правіла таксама дзейнічае ў дачыненні да замежных турыстаў.

Акрамя таго, новы кодэкс прадугледжвае пакаранне за блюзнерства, абразы прэзідэнта і дзяржаўных інстытутаў, а таксама за распаўсюджванне ідэалогій, што супярэчаць дзяржаўнай дактрыне. Праваабаронцы крытыкуюць дакумент за невыразныя фармулёўкі і пагрозу грамадзянскім свабодам, у той час як улады заяўляюць, што закон адпавядае сучасным культурным і прававым нормам Інданезіі.

Інданезія — пераважна мусульманская краіна, іслам у ёй вызнаюць, паводле ацэнак, амаль 90% з прыблізна 270‑мільённага насельніцтва. Яна лічыцца найбуйнейшай мусульманскай краінай у свеце.

Каментары5

  • Барадзед
    15.01.2026
    Вот почему Рита Дакота переезжает с Бали в США.
  • Goga
    15.01.2026
    Ислам спасение для европейской цивилизации.
  • Недагенерал апазіцыі
    15.01.2026
    Можа, нарэшце Мельнікава знойдзецца? Няма чаго больш на Балі рабіць!

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць