Аўтамабілямі Belgee ў будучыні можна будзе кіраваць дыстанцыйна праз спецыяльную мабільную праграму. Пра гэта паведамілі ў Дзяржкамваенпраме, дзе распрацавалі праграмна-апаратны комплекс пад назвай T-box.
Новая сістэма дазволіць уладальнікам беларускіх мадэляў Belgee— X50, X70 і S50 — кантраляваць свае машыны са смартфона або планшэта пасля ўстаноўкі абсталявання і праходжання аўтарызацыі ў дадатку.
Асновай T-box стаў ужо вядомы прыбор УВС-М, прызначаны для выкліку экстранных службаў. Яго серыйна выпускае прадпрыемства «АГАТ — сістэмы кіравання».
З дапамогай новай сістэмы ўладальнік зможа загадзя ўключаць або наладжваць клімат-кантроль, адчыняць і зачыняць вокны, люк, багажнік, блакаваць дзверы, а таксама атрымліваць актуальную інфармацыю пра стан аўтамабіля. Дадатак будзе паказваць узровень паліва або зарад акумулятара, статус дзвярэй і вокнаў, працу кандыцыянера, сігналізацыі і іншыя параметры. Акрамя таго, праз геалакацыю можна будзе ў любы момант даведацца, дзе знаходзіцца машына, і ўбачыць яе на карце.
З пункту гледжання бяспекі комплекс падключаецца да CAN-шыны аўтамабіля і ў выпадку дарожна-транспартнага здарэння аўтаматычна пераходзіць у рэжым экстраннага апавяшчэння. Для перадачы даных выкарыстоўваецца сетка пакетнай сувязі, таму асобную SIM-карту ставіць не спатрэбіцца.
Цяпер чытаюць
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці41
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці
«Усведамляю, што магу стаць першай беларускай, якая наведае ўсе краіны свету». Падарожніца з Мінска размаўляе на 8 мовах і марыць пражыць 200 гадоў1010
Каментары
- А калі...
- А калі нехта пачынае супрацьдзяржаўную рыторыку, проста аўтаматам зачыняюцца замкі і машына сама едзе на Акрэсціна!