Юрыста, які пайшоў у геймдызайнеры і ствараў «Свет караблёў», пасадзілі за палітыку на тры гады
Валянцін Толкач вучыўся ў Кракаве і паспеў пабудаваць паспяховую кар'еру юрыста ў сферы інтэлектуальнай уласнасці. Пасля сышоў у IT ствараць камп'ютарныя гульні, пра што марыў з дзяцінства. Вясной 2025 года яго арыштавалі.
Валянцін Толкач нарадзіўся ў Мінску ў 1996 годзе. Ён скончыў юрыдычны факультэт БДУ, дзе вывучаў гаспадарчае права, а пасля атрымаў ступень магістра ў Ягелонскім універсітэце ў Кракаве па спецыяльнасці «Інтэлектуальная ўласнасць і новыя тэхналогіі».
Кар'еру пачынаў у Нацыянальным цэнтры інтэлектуальнай уласнасці, дзе прадстаўляў інтарэсы арганізацыі ў Вярхоўным судзе. Пазней працаваў юрыстам у IT-кампаніі Brightum, займаючыся прававым суправаджэннем фінтэх-праектаў і крыптавалютных стартапаў.
Праз некаторы час Валянцін вырашыў радыкальна змяніць прафесію. У сваім профілі ён пісаў, што захапляўся гульнямі больш за 20 гадоў і вырашыў ператварыць хобі ў працу. З пачатку 2023 года ён працаваў геймдызайнерам у пецярбургскай студыі Lesta Games над папулярным праектам «Свет караблёў» (World of Warships), а з ліпеня 2024 года перайшоў у Gear Games, дзе займаўся развіццём мабільнай стратэгіі Art of War 3.
У вольны час хлопец гуляў у настольныя гульні і быў актыўны ў супольнасці аматараў настолак па сусвеце Warhammer 40000.
Толкача затрымалі вясной 2025 года па справе Гаюна.
Валянціна судзілі ў Мінскім гарадскім судзе па абвінавачанні ў «садзейнічанні экстрэмісцкай дзейнасці» (ч. 1 і ч. 2 арт. 361‑4 КК).
Па інфармацыі «Вясны», Толкачу прысудзілі тры гады калоніі.
«Наша Нiва» — бастыён беларушчыны
ПАДТРЫМАЦЬНайлепшы архівіст Беларусі — 2020 аднойчы данёс на суседзяў. У 2025‑м яго самога асудзілі за палітыку
Што можа пагражаць тым, хто пісаў у бот «Беларускага Гаюна»? І што можна зрабіць цяпер
Фізіка з Інстытута ядзерных праблем асудзілі за палітыку. Ён распрацоўваў мадэлі суперкалайдараў і перакладаў Ubuntu на беларускую
Цяпер чытаюць
Пракуратура пра смерць Мелказёрава: журналіст меў хранічную хваробу17
Каментары
Яшчэ пытанні ёсць?