У Мінску п'яны мужчына скраў у школьніка тэлефон, ключы і акуляры
Здарэнне адбылося ў верасні, а цяпер прайшоў суд.
Неяк увечары мужчына ішоў праз школу ў Маскоўскім раёне сталіцы. У траве ён заўважыў мабільны тэлефон, сонечныя акуляры і звязку ключоў ды забраў сабе, пішуць Мінск-навіны.
На наступны дзень зламыснік здаў тэлефон у ламбард, а ключы і акуляры пакінуў у сябе дома.
Бацькі школьніка звярнуліся з заявай у міліцыю, ацаніўшы нанесеную шкоду ў 820 рублёў.
Асобу мужчыны ўстанавілі па запісах камер відэаназірання, у дачыненні да яго распачалі крымінальную справу. Сваю віну ён цалкам прызнаў, у здзейсненым раскаяўся, нанесеную шкоду добраахвотна кампенсаваў.
Суд вызначыў яму тры месяцы арышту.
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары