Спявак Ap$ent: У адрозненне ад вясёлкавых поні кшталту Калеснікавай я ніколі не забуду жэсць 2020‑2022 гадоў
Спеваку прапанавалі вярнуцца ў Беларусь з гарантыямі бяспекі, але ён лічыць гэта вар'яцтвам у цяперашняй сітуацыі.
Беларускі спявак Ap$ent (сапраўднае імя — Арсеній Кісляк) распавёў у Threads, што яму напісалі ў тэлеграме з невядомага акаўнта з прапановай гарантаваць бяспеку яго вяртання ў Беларусь.
«Я не ўдакладніў умоў і не ведаю, прыватны гэта скам або дзяржаўны, але мне здаецца вар'яцтвам вяртацца ў краіну, у якую, каб вярнуцца, трэба дамаўляцца. І ў адрозненне ад вясёлкавых поні кшталту Калеснікавай я ніколі не забуду жэсць 2020‑2022 года. А падманваць сябе, замыльваючы вобраз і адназначнасць зла і стаўленне да яго я не ўмею», — напісаў спявак.
Нагадаем: менавіта Ap$ent напісаў песню «Можна я з табой», якая ператварылася ў гімн коцікаў і стала шалёна папулярнай у сацсетках. Пад словы хіта запісвалі відэа нават прапагандыстка з СТБ Кацярына Забянько і жонка Ігара Тура.
Насамрэч прысвечаны трэк вымушанай міграцыі. Напісаў яго Арсеній у Грузіі, куды артыст разам з жонкай з'ехаў у студзені 2022 года.
А нядаўна аказалася, што іншая песня Ap$ent — «Цемра» — ідэальна пасуе для відэа з Мінска і іншых гарадоў, дзе дзеля эканоміі па загадзе Лукашэнкі выключылі святло.
«Саладуха выклаў сэлфі з цэнтра сталіцы»: беларусы жартуюць пра блэкаўт па загадзе Лукашэнкі
AP$ENT выдаў хіт «Можна я з табой» на ангельскай
У Казані прыбралі рэкламу з радком з песні «Стой, можна я з табой?» беларуса Ap$ent
«Далась тебе вот эта Польша, в РБ зарплата больше». Штучны інтэлект напісаў прапагандысцкі хіт
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары