Дональд Трам вінаваціць Іран у «недакладнасці» іх удараў.
Прэзідэнт ЗША Дональд Трамп выказаўся адносна авіяўдару па школе для дзяўчынак у іранскім горадзе Мінаб. Падчас размовы з журналістамі на борце прэзідэнцкага самалёта 8 сакавіка ён адхіліў абвінавачванні ў адрас амерыканскіх сіл.
«На мой погляд, зыходзячы з таго, што я бачыў, гэта зрабіў Іран. Мы лічым, што гэта зрабіў Іран, таму што, як вы ведаеце, яны вельмі недакладныя са сваімі боепрыпасамі. У іх наогул няма дакладнасці», — сказаў ён.
Трампа падтрымаў і міністр абароны Піт Хегсэт. Ён заявіў, што Пентагон праводзіць расследаванне, аднак падкрэсліў: адзіным бокам, які наўмысна ці праз памылкі наносіць удары па мірных жыхарах, з'яўляецца іранскі рэжым.
Паводле іранскага боку, ахвярамі бамбардзіроўкі, якая адбылася 28 лютага, сталі як мінімум 150 чалавек, большасць з якіх — дзеці. Дакладныя абставіны гэтай падзеі застаюцца туманнымі. Іранскія ўлады блакуюць доступ незалежных журналістаў да школы. Гэты інфармацыйны вакуум дазваляе абодвум бакам канфлікту прасоўваць свае версіі. Нават дакладная колькасць ахвяр іранскім бокам увесь час называецца рознай.
Каментары