Жыхароў Мінска папярэдзілі, што найбліжэйшымі днямі над горадам будзе лётаць верталёт, які правядзе аэрафотаздымку. Пра гэта паведамілі на прадпрыемстве «Мінскія цеплавыя сеткі».
Здымкі будуць рабіць з дапамогай спецыяльнага цеплавізійнага абсталявання. Верталёт будзе знаходзіцца на вышыні прыкладна 500—600 метраў. Палёты плануюць праводзіць у вячэрні і начны час, бо днём транспарт і праца прадпрыемстваў могуць перашкаджаць дакладна выяўляць магчымыя пашкоджанні.
Мэта такіх палётаў — знайсці цеплавыя анамаліі ў месцах, дзе пад зямлёй праходзяць цеплатрасы. Дзякуючы цеплавізійнай здымцы спецыялісты могуць вызначыць магчымыя пашкоджанні трубаправодаў, праблемы з цеплаізаляцыяй, а таксама месцы, дзе могуць быць затопленыя цеплавыя камеры і каналы.
У прадпрыемстве адзначылі, што такія праверкі праводзяцца штогод вясной перад заканчэннем ацяпляльнага сезона. Гэта дапамагае своечасова знайсці няспраўнасці і падрыхтаваць цеплавыя сеткі да рамонту.
Цяпер чытаюць
22‑гадовы Віктар з-пад Клецка пратрымаўся на фронце месяц. А пасля бацькі перасварыліся, дзелячы грабавыя14
Каментары