Павел Севярынец расказаў, як яго ў турме паставілі на экстрэмісцкі ўлік
Экс-палітвязень у сваім тэлеграм-канале расказаў пра размовы перад судом, якая адбывалася ў Магілёўскай следчай турме.
Выклікаюць з камеры, вядуць да намесніка начальніка.
— Северінец, інформірую: ставім вас на профілактіческій учёт как склонного к экстремістской і іной деструктівной деятельності.
Экстрэмісцкі «прафулік» вешаюць практычна ўсім «палітычным», асуджаным па адпаведных артыкулах. Улік — гэта «жоўтая бірка»; асобны даклад, абмежаванні на ліставанне і спатканні, забарона наведваць спартовыя мерапрыемствы, часам царкву ці бібліятэку (у розных калоніях па-рознаму), асаблівая ўвага адміністрацыі, пастаянныя дачэпкі і, канечне, ШІЗА. «Жаўтабірачнікі» падлягаюць «адстрэлу» ў лагерах і турмах. Але тут парушэнне працэдуры: у мяне яшчэ не было «суда».
— А што гэта вы парушаеце свой закон, — кажу ім. — Мяне ж яшчэ нават не асудзілі вашым «судом», які яшчэ прафілактычны ўлік?
— Много текста, Северінец. Распішітесь.
— Не буду я нідзе распісвацца. Вы самі парушаеце закон.
— Ещё поговоріте тут, Северінец.
— А што тут гаварыць? Усе, хто парушае закон, адкажуць у адпаведнасці з законам.
— Что-о?! Вы угрожаете адміністраціі?! Так. Ещё плюс профучёт, номер трі. Склонен к нападенію на адміністрацію, захвату заложніков і іным проявленіям агрессіі.
Карацей, мне зашчыкнулі на руках кайданкі: цяпер усе перамяшчэнні па турме — толькі так. На суд штодня выводзілі з сабранымі рэчамі — у кайданках з валізкамі па ўсіх калідорах і пераходах гэта той яшчэ квэст. Ад цяпер і да снежня 2025 года я — асабліва небяспечны.
У Гарадзенскай турме канвой найперш пацікавіўся: за што трэці прафулік? Так і так, кажу.
— Понятно. Много разговарівал.
Ну не любяць у турме «много текста».
Цяпер чытаюць
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца10
Каментары