Pavieł Sieviaryniec raskazaŭ, jak jaho ŭ turmie pastavili na ekstremiscki ŭlik
Eks-palitviazień u svaim telehram-kanale raskazaŭ pra razmovy pierad sudom, jakaja adbyvałasia ŭ Mahiloŭskaj śledčaj turmie.
Vyklikajuć z kamiery, viaduć da namieśnika načalnika.
— Sievieriniec, informiruju: stavim vas na profiłaktičieskij učiot kak skłonnoho k ekstriemistskoj i inoj diestruktivnoj diejatielnosti.
Ekstremiscki «prafulik» viešajuć praktyčna ŭsim «palityčnym», asudžanym pa adpaviednych artykułach. Ulik — heta «žoŭtaja birka»; asobny dakład, abmiežavańni na listavańnie i spatkańni, zabarona naviedvać spartovyja mierapryjemstvy, časam carkvu ci biblijateku (u roznych kałonijach pa-roznamu), asablivaja ŭvaha administracyi, pastajannyja dačepki i, kaniečnie, ŠIZA. «Žaŭtabiračniki» padlahajuć «adstrełu» ŭ łahierach i turmach. Ale tut parušeńnie pracedury: u mianie jašče nie było «suda».
— A što heta vy parušajecie svoj zakon, — kažu im. — Mianie ž jašče navat nie asudzili vašym «sudom», jaki jašče prafiłaktyčny ŭlik?
— Mnoho tieksta, Sievieriniec. Raśpišitieś.
— Nie budu ja nidzie raśpisvacca. Vy sami parušajecie zakon.
— Jeŝio pohovoritie tut, Sievieriniec.
— A što tut havaryć? Usie, chto parušaje zakon, adkažuć u adpaviednaści z zakonam.
— Čto-o?! Vy uhrožajetie administracii?! Tak. Jeŝio plus profučiot, nomier tri. Skłonien k napadieniju na administraciju, zachvatu załožnikov i inym projavlenijam ahrieśsii.
Karaciej, mnie zaščyknuli na rukach kajdanki: ciapier usie pieramiaščeńni pa turmie — tolki tak. Na sud štodnia vyvodzili z sabranymi rečami — u kajdankach z valizkami pa ŭsich kalidorach i pierachodach heta toj jašče kvest. Ad ciapier i da śniežnia 2025 hoda ja — asabliva niebiaśpiečny.
U Haradzienskaj turmie kanvoj najpierš pacikaviŭsia: za što treci prafulik? Tak i tak, kažu.
— Poniatno. Mnoho razhovarivał.
Nu nie lubiać u turmie «mnoho tieksta».
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary