З Мінска адкрылі новыя прамыя аўтобусныя рэйсы ў літоўскі горад Трокі. Раней з беларускай сталіцы можна было дабрацца толькі ў Вільню, Коўна і іх аэрапорты, а цяпер з’явілася яшчэ адна лакацыя, паведамілі ў прэс-службе сэрвіса «Атласбай».
Троцкі замах. Фота: Wikimedia Commons
Рэйсы арганізаваў перавозчык «Ваджэн Транс». Аўтобусы будуць хадзіць двойчы на дзень: з Мінска — а 3:00 і 4:20, з Трокаў — а 11:00 і 14:35. Час у дарозе складае прыкладна 5,5 гадзіны.
Маршрут праходзіць праз Іўе і Воранава ў Беларусі, а ў Літве — праз Вільню. Адметна, што аўтобусы ідуць праз пункт пропуску «Беняконі», які лічыцца менш загружаным, таму там звычайна няма вялікіх чэргаў і затрымак.
Кошт квітка — каля 130 рублёў, што прыкладна супастаўна з паездкамі ў Вільню.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары