У Львове прызыўнік напаў на работніка ваенкамата і перарэзаў яму горла
Трагедыя адбылася падчас правядзення мерапрыемстваў па апавяшчэнні.
Невядомы нанёс удар нажом у шыю вайскоўцу Тэрытарыяльнага цэнтра камплектавання (так ва Украіне называюць ваенкаматы), пасля чаго ўцёк. Ад атрыманых траўм пацярпелы памёр у бальніцы, паведамляе РБК-Украіна.
Паводле папярэдніх даных, напад адбыўся непасрэдна падчас працэсу мабілізацыі.
«Гэта праўда. Вайсковец ТЦК памёр. Паліцыя шукае асобу, датычную да злачынства», — паведаміла крыніца.
Мясцовыя тэлеканалы апублікавалі відэа з месца падзеі. Акрамя загінулага, падчас інцыдэнту пацярпелі і патрульныя паліцэйскія — паводле падпісчыкаў мясцовых тэлеканалаў, ім трапіла ў вочы з балончыка. Аднак гэтая інфармацыя пакуль не пацверджаная.
Цяпер праводзіцца паліцэйская спецаперацыя. Нападніка шукаюць. Крымінальная справа заведзеная па артыкуле «наўмыснае забойства». Злачынцу пагражае пазбаўленне волі тэрмінам ад 10 да 15 гадоў.
Апошнім часам напады на супрацоўнікаў ТЦК ва Украіне і іх установы пашырыліся.
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары
- Я не хачу ў РФ, але хай за мяне ў акопе пасядзяць іншыя.