Правіла сну «7:1», якое на чатыры гады падаўжае жыццё, а галоўнае — паляпшае
Для многіх людзей недасыпанне стала паўсядзённасцю. Новае даследаванне вучоных прапануе простае і эфектыўнае рашэнне — так званае правіла «7:1».
Даўно вядома, што сон — гэта ключавы механізм аднаўлення арганізма. Менавіта ў гэты час адбываецца «рамонт» тканак і мышцаў, зніжаюцца пульс і артэрыяльны ціск (што істотна памяншае нагрузку на сэрца), а мозг актыўна апрацоўвае і замацоўвае ўспаміны. Калі ж сон становіцца дрэнным або нерэгулярным, гэтыя жыццёва важныя працэсы парушаюцца, што павялічвае рызыку развіцця сардэчна-сасудзістых захворванняў, інсульту і дэменцыі.
На гэтым фоне навукоўцы з Лонданскай школы эканомікі і палітычных навук сумесна са страхавой кампаніяй Vitality распрацавалі правіла «7:1». Яно азначае, што сну трэба аддаваць сем гадзін мінімум, а класціся трэба плюс-мінус адна гадзіна ў той самы час як мінімум пяць дзён на тыдзень.
З падрабязнасцямі гэтай методыкі знаёміць выданне Daily Mail.
Вынікі маштабнага даследавання, праведзенага ў Вялікабрытаніі, ахапіла даныя пра больш як 47 мільёнаў начэй сну. Яно паказала: трыманне такога рэжыму зніжае агульную смяротнасць на 24% і скарачае колькасць шпіталізацый на 7%.
Даследчыкі падлічылі, што рэгулярны і паўнавартасны адпачынак можа дадаць чалавеку да чатырох гадоў жыцця. Пры гэтым навукоўцы заўважаюць: чым раней у чалавека фарміруюцца такія звычкі, тым большым будзе сумарны станоўчы эфект.
Важнасць гэтага правіла падкрэсліваецца і сумнай статыстыкай: людзі, якія спяць менш за шэсць гадзін у суткі, маюць на 20% вышэйшую рызыку заўчаснай смерці ў параўнанні з тымі, хто адводзіць на сон рэкамендаваныя сем-восем гадзін.
Аўтары працы акцэнтуюць увагу на тым, што ключавым фактарам поспеху з’яўляецца менавіта рэгулярнасць. Навукоўцы наўмысна ўстанавілі планку ў пяць начэй на тыдзень замест сямі, каб зрабіць гэтую мэту рэальна дасяжнай для кожнага.
Такі падыход зніжае псіхалагічны бар’ер і дазваляе чалавеку дапускаць часовыя адхіленні ад графіка (напрыклад, на выхадных) без пачуцця віны або страты агульнага прагрэсу. Менавіта такая гнуткасць спрыяе таму, што новы рэжым становіцца не кароткачасовай спробай, а ўстойлівай жыццёвай звычкай.
Акрамя непасрэднай карысці для здароўя, гэта прыносіць і эканамічную выгаду: паляпшэнне якасці сну зніжае патрэбу ў шпіталізацыі, што дазваляе істотна ашчаджаць на медыцынскіх выдатках.
Для паспяховага ўкаранення гэтай сістэмы эксперты раяць звярнуць асаблівую ўвагу на гігіену сну. Ключавым патрабаваннем з’яўляецца адмова ад тэлефонаў і іншых гаджэтаў як мінімум за гадзіну да адпачынку, паколькі іх сіняе святло прыгнятае выпрацоўку мелатаніну — гармону сну.
Таксама варта пазбягаць ужывання алкаголю, які парушае фазу хуткага сну, і кафеіну, які правакуе залішнюю актыўнасць нервовай сістэмы. Ідэальная спальня павінна быць цёмнай і ціхай, каб не правакаваць выкід гармону стрэсу картызолу.
Стварэнне такіх спрыяльных умоў дазваляе арганізму перайсці ў стан глыбокага спакою, што і становіцца сапраўдным падмуркам для доўгага і здаровага жыцця.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары
Врач хороший, благодаря ему я еще дрыгаюсь. Но его специальность не про сон.
Недавно сказал дочери, что мои биологические часы переехали в Минск, и на старости лят я живу в Нью_Йорке па мінскаму часу.
Што мяшаюць спаць?
1. Крыніцы не дае і Daily mail. Трэба шукаць самастойна.
2. Даследаванне Лонданскай школы эканомікі і палітычных навук сумесна са страхавой кампаніяй Vitality. Колькі там навукоўцаў-медыкаў?
3. Самі даследчыкі (не журналісты) кажуць, што калі прытрымлівацца гэтага правіла, можна працягнуць уласнае жыццё на 4 гады.
Аднак:
- Папуляцыя не роўна індывід. Статыстычная ацэнка на ўзроўні папуляцыі не з'яўляецца гарантам для кожнага чалавека.
- Карэляцыя не роўна прычыне. Якасць сну можа быць не прычынай стана здароўя, а яго наступствам: дрэнны сон можа быць ад хвароб, ад стрэсу, ўскосна ад нізкіх даходаў, харчавання, генетыцы і г.д.
Увогуле рэгулярны і дастатковы сон звязаны з лепшымі паказчыкамі здароўя, прадуктыўнасці і працягласці жыцця на ўзроўні папуляцыі, але гэтыя сувязі не гарантаваныя для асобнага чалавека і могуць часткова тлумачыцца іншымі фактарамі.
Калі чытаеце "нешта падаўжае жыццё", сумнявайцеся, вам прадаюць клікбэйт і спрашчэнне, прымітывізацыю з'явы.