Грамадства88

Хлопца, які заступіўся ў гомельскім тралейбусе за 11‑гадовую дзяўчынку, знайшлі, а яе крыўдзіцеля затрымалі

У канцы сакавіка мама гомельскай школьніцы расказала ў Threads, што ў тралейбусе да яе 11‑гадовай дачкі чапляўся незнаёмы мужчына. У сітуацыю, з яе слоў, умяшаўся іншы пасажыр — малады хлопец, які выйшаў з дзяўчынкай на яе прыпынку і адпудзіў незнаёмца. Жанчына хацела адшукаць хлопца, каб аддзячыць яму. Праз пэўны час стала вядома: выратавальнік знайшоўся, а мужчына, які чапляўся да дзяўчынкі, затрыманы, піша «Анлайнер».

Той самы Іван, які дапамог дзяўчынцы ў тралейбусе

Інцыдэнт адбыўся днём 31 сакавіка ў тралейбусе, які ішоў па маршруце праз універмаг «Гомель» і стадыён «Лакаматыў». Вось што расказаў карэспандэнту «Беларусь 4» хлопец, які выратаваў дзяўчынку:

«Спачатку мне падалося, што гэта звычайная размова. Мужчына прадстаўляўся знаёмым бацькоў, казаў, што дзяўчынка яго проста забылася. Але ў выніку я ўбачыў саму дзяўчынку: яе вочы, рукі, якія трэсліся, — і ўжо было зразумела, што нешта не так. Я ўключыўся ў гэты канфлікт у момант перадачы цукеркі дзяўчынцы, якая ўжо цалкам разгубілася і не ведала, што ёй рабіць. Пасля гэтага быў ужо невялікі канфлікт з самім мужчынам: ён адгароджваў мяне ад дзяўчынкі, казаў ёй заставацца на месцы».

Выратавальнікам аказаўся хлопец па імені Іван — студэнт мясцовай ВНУ. Ён выйшаў разам з дзяўчынкай на яе прыпынку. Пэўны час незнаёмец працягваў ісці за імі следам, але пасля таго, як хлопец вырашыў падысці да яго і спытаць, у чым справа, той развярнуўся і пайшоў у адваротны бок.

Іван правёў школьніцу да самага дома, а таксама паспеў зняць на мабільны тэлефон надакучлівага незнаёмца. Яго ўжо затрымала міліцыя.

«Грамадзянін устаноўлены, з ім вядзецца работа ў адпаведнасці з заканадаўствам», — расказаў начальнік Савецкага РАУС Гомеля Уладзімір Саўчанка.

Гэтую гісторыю бурна абмяркоўвалі ў сацсетках. Карыстальнікі згадвалі падобныя гісторыі са свайго дзяцінства, але ў асноўным хвалілі хлопца за яго ўчынак, звяртаючы ўвагу на тое, што гэта «вяртае веру ў чалавецтва» і што «хлопец — сапраўдны мужчына».

Каментары8

  • Крынж
    08.04.2026
    Можна было легальна гэтаму любіцелю знаёміцца з дзецьмі як след настукаць па кумпалу. Каб наступны раз калі зноў з'явіліся такія намеры- аўтаматычна пачынаў с.. а ў брукі і каб трэсліся ногі.
  • Крынж
    08.04.2026
    [Рэд. выдалена]
  • Питон
    09.04.2026
    Ы, тот кто минуснул это видать педофил которго еще не вскрыли..

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць