Прэм’ер-міністр Пакістана Шахбаз Шарыф паведаміў у сацсетцы X, што ў зоне канфлікту на Блізкім Усходзе зафіксаваныя парушэнні рэжыму спынення агню адразу ў некалькіх месцах. Менавіта Пакістан выступае галоўным пасярэднікам у перамовах паміж ЗША і Іранам.
Па словах Шахбаза Шарыфа, гэтыя парушэнні падрываюць мірны працэс. Ён заклікаў усе бакі праяўляць стрыманасць і выконваць дамоўленасць аб двухтыднёвым спыненні агню.
Адначасова Іран прыпыніў рух суднаў праз Армузскі праліў. Паводле паведамленняў, гэта звязана з тым, што Ізраіль працягвае ваенныя дзеянні супраць руху «Хезбала» ў Ліване, нягледзячы на абвешчанае перамір’е.
Як паведамляе The Wall Street Journal са спасылкай на свае крыніцы, Тэгеран раней прыгразіў, што можа пераглядзець сваё рашэнне аб паўторным адкрыцці Армузскага праліва. Прадстаўнікі Ірана таксама папярэдзілі, што працягнуць атакаваць краіны рэгіёна, уключаючы Ізраіль, калі ізраільскія вайскоўцы будуць наносіць удары па Ліване і Іране.
Раней ЗША і Іран заявілі аб дамоўленасці пра двухтыднёвае спыненне агню, пры ўмове, што Іран адкрые суднаходства праз Армузскі праліў.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары
Пры чым тут краіны рэгіёну, калі не іх вайскоўцы, а ізраільскія вайскоўцы наносяць удары ?..