Беларускім санаторыям у Расіі эканамічны крызіс толькі на карысць
Крызіс у расійскай эканоміцы моцна ўдарыў па даходах расіян, якія ў яшчэ большай колькасці пацягнуліся ў мясцовыя санаторыі. Як паказалі вынікі 2025 года, не абышла бокам гэтая тэндэнцыі і лакацыі, якія належаць Кіраўніцтву спраў Лукашэнкі на тэрыторыі Расіі ці на землях, акупаваных ёй, піша выданне «Беларусы і рынак».
На фоне мінусаў практычна ва ўсіх прадстаўнікоў беларускага дзяржаўнага бізнэсу і значнай часткі прыватнага, тры санаторныя ўстановы сабралі адносна неблагія дывідэнды ад збяднення расіян і закрытых межаў.
Як заўважылі «Беларусы і рынак», выручка самай буйной установы, санаторыя «Беларусь» пад Сочы, вырасла больш чым на 10% і склала 1,3 мільярда расійскіх рублёў (каля 17 мільёнаў даляраў). Прыбытак яго кіраўнічай кампаніі і ўвогуле вырас больш чым на 30% у параўнанні з 2024 годам — гэта крыху больш за 80 мільёнаў расійскіх рублёў (каля 1 мільёна даляраў).
Санаторый «Белая Русь» пад Туапсэ прырос прыкладна на столькі ж, зарабіўшы летась 1,1 мільярда расійскіх рублёў (каля 14,4 мільёна даляраў) выручкі. Прыбытак яго таксама вырас (і таксама больш чым на 30%) — да 90,8 мільёна расійскіх рублёў (каля 1,2 мільёна даляраў).
Выраслі продажы нават санаторыя «Беларуссія» ў амаль прыфрантавой акупаванай Ялце. Прычым — прыкладна на 60%. Яго выручка наблізілася да 300 мільёнаў расійскіх рублёў (каля 4 мільёнаў даляраў). А вось прыбытак быў мінімальны і застаўся на папярэднім узроўні — 2,3 мільёна (каля 30 тысяч даляраў).
Беларусь штогод наведваюць каля 5 мільёнаў турыстаў з Расіі
Пасол Беларусі ў Расіі збіраецца наведаць акупаваны Крым
200 расійскіх вайскоўцаў будуць сёлета задарма адпачываць у беларускіх санаторыях
Замежных турыстаў у беларускіх санаторыях стала яшчэ больш
У санаторыі Гомельскага раёна знойдзены мёртвым мужчына з Санкт-Пецярбурга
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях17
Каментары