Выдавецтва Цэнтра беларускай культуры ў Беластоку анансавала выхад навінкі аўтарства Уладзіміра Някляева — зборніка апавяданняў «Святая крыніца».
Выданне прымеркавана да 80‑годдзя пісьменніка. Кніга будзе даступная ўжо 17 красавіка на Кніжным кірмашы ў Беластоку ў двух варыянтах: на беларускай і на польскай мовах, піша bellit.info.
Кожнае апавяданне ў гэтым зборніку — гэта асобная гісторыя, але разам яны ўтвараюць шматгалосую размову з літаратурнай традыцыяй і сучаснасцю. Тут ёсць і містычна-экзістэнцыйныя развагі пра жыццё і смерць, і трагічна-іранічныя вобразы пасляваеннай вёскі на беларуска-літоўскім памежжы, і гратэскавае адлюстраванне сучаснай беларускай рэчаіснасці, а таксама іншыя нечаканыя сюжэты і інтанацыі. Такая разнастайнасць дазваляе ўбачыць шырыню творчага мыслення Някляева і адчуць, наколькі беларуская літаратура блізкая польскай і ў той жа час адрозніваецца ад яе, дзеліцца ўражаннямі ад працы перакладчык Марцін Рэмбач.
Салон беларускіх незалежных выдавецтваў на Кніжным кірмашы ў Беластоку будзе працаваць
— 17 красавіка / 10:00—18:30
— 18 красавіка / 10:00—18:30
— 19 красавіка / 10:00—16:30
Арганізатары запрашаюць усіх ахвотных наведаць кірмаш і прыдбаць цікавыя выданні.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары