Паводле паведамлення губернатара Ленінградскай вобласці Аляксандра Драздзенкі, уначы рэгіён адбіваў масаваную атаку, падчас якой было збіта больш за 60 беспілотнікаў.
Па словах губернатара, галоўнай цэллю атакі стаў марскі гандлёвы порт Прыморск. Там узнікла ўзгаранне, як запэўнівае Аляксандр Драздзенка, «у выніку адбіцця атакі».
Мясцовыя жыхары паведамлялі пра шматлікія выбухі за ноч, спадарожнікі NASA фіксавалі цеплавыя сігнатуры пажару на тэрыторыі порта.
Паведамляецца, што пажар ужо ліквідаваны. Разліву нафтапрадуктаў, паводле афіцыйнай інфармацыі, не зафіксавана.
З-за гэтай сітуацыі часова ўводзіліся абмежаванні на палёты ў мясцовыя аэрапорты, у тым ліку ў Пулкава і Пскоў. Былі затрыманыя больш за 70 рэйсаў, каля двух дзясяткаў адмененыя.
Да 8‑й гадзіны раніцы па мясцовым часе абмежаванні былі знятыя.
Паводле звестак Мінабароны Расіі, за гэту ноч былі збітыя 334 украінскія дроны над 15 расійскімі рэгіёнамі і анексаваным Крымам.
Упершыню за доўгі час падчас атакі беспілотнікаў загінуў жыхар Падмаскоўя
Расіяне ўдарылі дронам па маршрутцы ў Херсоне. Двое загінулых
У Харкаве абломкі шахеда заляцелі на кухню ў кватэру на 12‑м паверсе і не здэтанавалі ФОТАФАКТ
Сёння ў Расіі зноў гарыць Перм. Выглядае, што СПА ў Прыўраллі больш няма
Каментары