Латвія будзе байкатаваць матч з Беларуссю на юнацкім чэмпіянаце свету па хакеі
Юніёрская зборная Латвіі па хакеі не будзе гуляць супраць нацыянальнай зборнай Беларусі на чэмпіянаце свету 2027 года ў ЗША, піша «Беларускі хакей».
— Латвійская хакейная федэрацыя плануе ўдзел у турніры, але не плануе праводзіць матчы супраць зборнай Беларусі, — сказаў генеральнаы сакратар ЛХФ Робертс Плявейс.
У Латвіі і Літве на заканадаўчым узроўні дзейнічае забарона на правядзенне матчаў з Расіяй і Беларуссю ў камандных відах спорту.
Раней Міжнародная федэрацыя хакею вярнула зборную Беларусі U-18 (узрост гульцоў да 18 гадоў) у лік удзельнікаў чэмпіянату свету.
На чэмпіянаце свету 2027 года ў Дулуце (штат Мінесота) Латвія і Беларусь згуляюць у розных групах. Аднак яны могуць сустрэцца ў плэй-оф або ў матчы за захаванне месца ў топ-дывізіёне.
Учора Літва адмовілася ад удзелу ў жаночым юніёрскім чэмпіянаце свету ў 2027 годзе ў трэцім дывізіёне ў сувязі з дэбютам зборнай Беларусі.
Нагадаем, што беларускія хакеісты знаходзіліся ў хакейным бане разам з расійскім хакеем з пачаткам поўнамаштабнай вайны супраць Украіны з лютага 2022 года. Напрыклад, «дарослыя» хакеісты прапусцілі пяць чэмпіянатаў свету, а таксама кваліфікацыю на Алімпіяду-2026. У чацвер Міжнародная федэрацыя хакея дапусціла да міжнародных спаборнцтваў жаночы хакей і юніёрскі. Нацыянальная і моладзевыя мужчынскія зборныя пакуль па-за спаборніцтвамі.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары