На эканамічным форуме ў Пецярбургу паказалі расійскіх робатаў. Нават Z-патрыёты палічылі іх ганьбай
«Калі гэта дасягненні, страшна ўявіць, што нам не паказваюць».
На Пецярбургскім міжнародным эканамічным форуме (ПМЭФ) вырашылі пахваліцца дасягненнямі мясцовай робататэхнікі.
«Робаты на Пецярбургскім эканамічным міжнародным форуме гуляюць у футбол, танчаць і спрабуюць адказваць на пытанні гасцей», — піша РБК і паказвае відэа, якое, у саміх журналістаў, відавочна, выклікае пытанне.
Напрыклад разгаварыць робата ў выглядзе дзяўчыны карэспандэнту не ўдалося: «Як цябе завуць? Скажы што-небудзь». Карэспандэнту РБК не ўдалося даведацца імя чалавекападобнага робата на стэндзе «Душа Расіі» на ПМЭФ», — паведамляе выданне.
Ад абурэння і кпінаў не ўтрымаліся нават пракрамлёўскія блогеры.
Напрыклад, вядомы Z-блогер Ілля Туманаў (Fighterbomber) рэзка пракаментаваў убачанае, заявіўшы, што калі СМІ падаюць гэта як нейкі поспех, то страшна нават уявіць, які сорам адбываецца за кулісамі. «Калі гэта дасягненні, якія нам паказваюць нашы СМІ з ПМЭФ—2026, страшна ўявіць, што нам не паказваюць», — напісаў ён.
Каментары
[Зрэдагавана]