Грамадства

Як халат апынуўся ва ўнітазе? Мінскія сантэхнікі расказалі пра самыя дзіўныя забіцці труб

Напаўняльнік для каціных туалетаў, лушпайкі з гародніны і не толькі. Работнікі Гарадской аварыйнай службы распавялі «Мінск-Навінам», якія сюрпрызы знаходзяць у трубах.

Фота: vecteezy.com

— Мы працуем дзень і ноч, — расказвае дырэктар прадпрыемства Аляксандр Кіслюк. — Але асноўная маса заявак у будні паступае дзесьці а 18:00. Гэта час закрыцця мясцовых ЖЭУ і прыходу з працы жыльцоў.

Усяго ў Гарадской аварыйнай службе працуюць каля 220 чалавек, прыкладна 140 з іх займаюцца непасрэдна аварыйна-аднаўленчымі работамі.

— Асноўныя праблемы, якія вырашаюць нашы брыгады, — працёкі інжынерных камунікацый, размешчаных у кватэрах і падвальных памяшканнях, непаладкі, звязаныя з гарачым і халодным водазабеспячэннем і сістэмамі ацяплення, — удакладняе начальнік аварыйна-аднаўленчай службы Аляксандр Лабор. — Выклікаць аварыйную брыгаду трэба па нумары 115. Аднак у святочныя дні і вялікія выхадныя заяўкі прымае і наша дыспетчарская служба.

Што становіцца крыніцай аварыйнай сітуацыі, якая патрабуе экстраннага выкліку спецыялістаў? Прадстаўнікі аварыйнай службы ў адзін голас кажуць, што іх мноства. І ў большасці сваёй прычынамі становяцца лянота жыльцоў, іх нядбайнасць ці няправільная эксплуатацыя сістэмы.

— Зусім нядаўна выйшаў у топ і стаў лідарам па стварэнні праблем напаўняльнік для каціных латкоў. Літаральна пару тыдняў таму ў адным з дамоў з-за яго прыйшлося адключыць адразу чатыры стаякі. Пры гэтым прыбраць такое цяжка, калі забілася. Трапляючы ў вадкасць, напаўняльнік утварае гель: пры прачыстцы металічны трос праходзіць праз яго. Другое месца займаюць усялякія лушпайкі з агародніны, асабліва ў сезон нарыхтовак! Часам ляцяць ва ўнітаз і цэлыя рулоны туалетнай паперы, — кажа Кіслюк.

— Нашым работнікам даводзілася даставаць з каналізацыйных труб і ручнікі, і лазневыя халаты, не кажучы ўжо пра анучы для падлогі. Часам хочацца спытаць у жыхароў: як вам халаты ўдаецца туды запіхнуць? — гаворыць Лабор.

Каментары

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

больш чытаных навін
больш лайканых навін

Крымскі мост зруйнаваны ўдарам ракет «Фламінга»28

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць